/ Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã...

Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã...

Yii a Anas ɭbn Maalik nengẽ (Wẽnd yard be a yĩnga): Tɩ Nɑbiyɑɑmã (Wẽnd pʋʋsg la A tɩlgr be a yĩnga) la a Mʋ'ʿaaz rag n zao Nabiyaamã poorẽ, a rũngã zugu, t'a bool-a n yeele: « Yaa a Mʋ'ʿaaz ɭbn Gεbale» t'a Mʋ'ʿaaz yeele: (Labbayka yaa rasʋʋlʋllaah wa sa'ʿadayka= m sak-fo, m sɑk f yĩngɑ Wẽnd Tẽn-tʋʋma), noor a tãabo. Wẽnd Tẽn-tʋʋm yeele: «Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã». Rẽ poorẽ, a Mʋ'ʿaaz yeelame : Wẽnd Tẽn-tʋʋma, rẽ yĩnga, m ka na n kõ nebã kiba-noogo, sẽn na yɩlẽ tɩ b kɩdme la b noog b sũur ne Wẽnd kũun-kãnga? Tɩ Nabiyaamã yeele: «fo sã n maan woto, b na n wa teega rẽndã». La a Mʋ'ʿaaz togsa kibarã, a kũumã sasa, a sẽn yεεsd t'a na n wa paam zũnuub yĩnga t'a sã n solge.
B zemsa taab a zugu (A Al-Bʋẖaariy la a Muslim n reeg-a)

Explanation

A Mʋ'ʿaaz ɭbn Gεbal rag n yɩɩme, (Wẽnd yard be a yĩnga), n zao Nɑbiyɑɑmã poorẽ (Wẽnd pʋʋsg la A tɩlgr be a yĩnga), a rũngã zugu, t'a bool-a n yeele, yaa a Mʋ'ʿaaze, la a yɩlma a boollã noor a tãabo, tɩ yaa sẽn na n keng bũmb ning a sẽn na n yeelã sẽn ta zĩig ninga. La rẽ fãa, a Mʋ'ʿaaz -Wẽnd yard be a yĩnga, rag n sakdame, n yetẽ: «labbayka yaa rasʋʋlʋllaah wa sa'ʿadayka», rat n yeele: m sak-fo, Wẽnd Tẽn-tʋʋma, (Wẽnd pʋʋsg la A tɩlgr be a yĩnga), m sok f yĩnga, tɩ yaa sakr sẽn pʋgd taaba, m leb n baooda zu-noogo fo sakrã yĩnga. Tɩ Nɑbiyɑɑmã (Wẽnd pʋʋsg la A tɩlgr be a yĩnga) kõ-a kibare, tɩ ad ned ka be n na n maan kaseto tɩ (laa ɩlaaha ɩllal-Allaah= soab sẽn na n tũ n tɩlg ka be, rẽnda Wẽnde), la (Mʋhammadan rasʋʋllaah= la a Mohammad yaa Wẽnd Tẽn-tʋʋmã) tɩ yaa sɩda a sũurẽ wã, n ka zĩri-beedo, a sã n maan kaalem halhaal-kãngã zugu, Wẽnd haramda Bugmã a yĩnga. T'a Mʋ'ʿaaz (Wẽnd yard be a yĩnga) sok Nɑbiyɑɑmã (Wẽnd pʋʋsg la A tɩlgr be a yĩnga) t'a na n togsa nebã tɩ b sũyã yɩ noogo la b kɩdem ne yel-sõmdã? Tɩ Nɑbiyɑɑmã yεεse (Wẽnd pʋʋsg la A tɩlgr be a yĩnga) tɩ nebã na n wa teega rẽndã tɩ b tʋʋmã yɩ bilfu. T'a Mʋ'ʿaaz ka yẽs ned baa a yembre, sã n ka a kũumã sẽn wa n ta wã, a sẽn yεεsd tɩ yẽ na n wa tʋg n lʋɩɩ bãngr solgr zũnuub pʋgẽ.

Hadeeth benefits

  1. Wilgda Nɑbiyɑɑmã (Wẽnd pʋʋsg la A tɩlgr be a yĩnga) gãneg-m-menga, ne a sẽn rɩk a Mʋ'ʿaaz poorẽ wã, a rũngã zugã.
  2. Yaa Nɑbiyɑɑmã (Wẽnd pʋʋsg la A tɩlgr be a yĩnga) wilgrã na-kẽndrã, ne a sẽn yɩlm a Mʋ'ʿaaz boollã sẽn na yɩ n nek-a t'a kelg neere, a sẽn na n togs-a wã.
  3. Sẽn be sahdã tɩ (laa ɩlaaha ɩllal-Allaah= soab sẽn na n tũ n tɩlg ka be, rẽnda Wẽnde), la (Mʋhammadan rasʋʋllaah= la a Mohammad yaa Wẽnd Tẽn-tʋʋmã), a yεtã yɩ sɩd soaba, n tar bãng-n-wãaka ne a sẽn yetã, ka zĩri-be-neda, ka sik maanda.
  4. Wẽn-yembdbã ka na n duum Gεhannem pʋgẽ ye, baa tɩ b sã n kẽ ne b zũnuub sababo, b na n yiis-b-la beenẽ, b sẽn yɩlg poorẽ, n tɩ kẽes-b arzãna.
  5. Yaa sahd a yiibã yɩɩdlem ning sẽn be a beenẽ, ne ned ning sẽn yeel-b ne sɩda.
  6. Yaa tɩ sakdame tɩ b bas hadiis sãnda togsgo, halhaal-rãmb sãnda pʋgẽ, tɩ sãang sã n na n zĩnd a zugu.