/ tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)

tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)

Yii a Sahl ɭbn Sa'ʿad nengẽ, (Wẽnd yard be a yĩnga) sẽn yi Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) t'a yeela Haybar raare: «Beoogo, m na n kõo tãp-kao-kãngã raoa, sẽn nong Wẽnd la A Tẽn-tʋʋmã, tɩ Wẽnd me la A Tẽn-tʋʋmã nong-a, tɩ Wẽnd pake sẽn tu a nugu», a yeelame: tɩ nebã gãand yʋngã n sõsda: yaa ãnda la b na n kõ tãp-kaoorã, la nebã sẽn wa n vẽeg beoogã, b sãdame n kẽng Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga), tɩ ned fãa rat tɩ b kõ-a, tɩ Nabiyaamã yeele: «a ʿAli ɭbn Abɩɩ Ṭaalib bεε?» Tɩ b yeel-a: yaa Wẽnd Tẽn-tʋʋma, ad a nin a yiibã zabdame. T'a yeele: «tʋm-y tɩ b bool-a». Tɩ b tall-a n wa ne, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) tʋbs a nin a yiibẽ wã n kos Wẽnd a yĩnga, t'a maage, tɩ yaa wala zabdem ra ka be ne-a ye, t'a kõ-a tãp-kaoorã, t'a ʿAli yeele: Wẽnd Tẽn-tʋʋma: m na n zaba ne-b halɩ tɩ b yɩ wala tõnd bɩɩ? T'a yeele: «maag f meng n kẽnge, halɩ n tʋg n sig b samandẽ wã, rẽ poorẽ bɩ f bool-b n tʋg lɩslaangẽ, la f togs-ba bũmb ning sẽn yaa tɩlae n zao b zugu sẽn yaa Wẽnd hakε wã tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo sahaabsã kibare, tɩ lɩslaambã na n tõoga Haybar Yahuud-rãmbã beoogo, la rẽnda yaa sẽn tũ ne rao nugu, t'a na n kõ-a tãp-kaoore, tãp-kaoorã me yaa bũmb ning soddaasã sẽn zẽkd tɩ yaa bãmb tagmase. La rao-kãngã, a sɩf-rãmbã yaa t'a nonga Wẽnde, la A Tẽn-tʋʋmã, tɩ Wẽnd la A Tẽn-tʋʋmã me nong-a. Tɩ sahaabsã gãand yʋngã n gomda la b yẽsd ned ning b sẽn na n kõ tãp-kaoorã, yaa ãnda? Tɩ ned fãa tar yamleoog n rat zɩslem-kãngã, la beoogã sẽn wa n vẽegã, b kẽnga Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) tɩ b fãa tẽed n na n paam yel-zɩslem-kãngã, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) sok a ʿAli ɭbn Abɩɩ Ṭaalib yelle (Wẽnd yard be a yĩnga) Tɩ b yeele: t'a yaa bãada, a nin a yiibã zabdame. Nabiyaamã (Wẽnd pʋʋsg lɑ A tɩlgr be ɑ yĩngɑ) tʋms tɩ b kẽng a nengẽ, tɩ b wa ne-a, t'a tʋbs a ʿAli nin a yiibã pʋgẽ, ne a kolkood zɩsdã, n kos n kõ-a, t'a bãagã maage, tɩ yaa wala zabdem rag n ka be ne-a ye, t'a kõ-a tãp-kaoorã, la a sagl-a t'a kẽng yol-yole, halɩ n tʋg n pẽneg bεεbã kadẽngẽ wã, n wilg-b lɩslaangã tɩ b sã n sake, bɩ a kõ-b kibar ne bũmb ning sẽn yaa tɩlae n zao b zug sẽn yaa faril-rãmbã. Nabiyaamã (Wẽnd pʋʋsg lɑ A tɩlgr be ɑ yĩngɑ) vẽneg n wilg a ʿAli, Da'awa wã (bool-n-tʋg Wẽnd sorã) yɩɩdlem ning sẽn be beenẽ, la dĩinã boondã, a sã n yɩ sabab tɩ ned a yembr kãndge, yẽ sõma n yɩɩd a sẽn na n tall yʋgem miid, sẽn yaa Laarab-rãmbã arzεk sẽn tʋg n yaa yɩlgemd n yɩɩda, t'a soog-ba, maa a rɩk-b lame n na n maan sara.

Hadeeth benefits

  1. Wilgda a ʿAli ɭbn Abɩɩ Ṭaalib yɩɩdlemã, (Wẽnd yard be a yĩnga) la Wẽnd Tẽn-tʋʋma (Wẽnd pʋʋsg la A tɩlgr be a yĩnga) sẽn maan kaset ne a nonglemã ne Wẽnd la A Tẽn-tʋʋmã. La Wẽnde la A Tẽn-tʋʋmã me sẽn nong-a.
  2. Ṣahaabsã sẽn tar yã-beed kεgenga ne yel-sõmã la b sẽn rengd taab n tʋgd beenẽ.
  3. Wilgdame tɩ sõmb n talla zʋgdo zabr sasa la b bas maan-n-zʋʋge la koees nins sẽn namsd ned zaalem, tɩ tʋlsem ka be beenẽ wã.
  4. Sẽn be Nabiyaamã (Wẽnd pʋʋsg lɑ A tɩlgr be ɑ yĩngɑ) nabiyaamdmã tagmas-rãmba, yaa a sẽn kõt kibare, tɩ b na n tõoga Yahuud-rãmbã, la a ʿAli ɭbn Abɩɩ Ṭaalib nin a yiibã maagre, sẽn tũ ne Nabiyaamã nugẽ, ne Wẽnd tõogo.
  5. Yaa tɩ raab ning b sẽn tʋg n yɩɩda, b sẽn rat-a Gɩhaadẽ wã, yaa nebã kẽ lɩslaangã dĩini.
  6. Yaa tɩ Da'awa wã a yɩta bilf-bilfu, rẽnd b baooda kɩfr nengẽ, rẽenem t'a kẽ lɩslaangã, ne a sẽn na yeel Sahd a yiibã, rẽ poorẽ tɩ b sagl-a ne lɩslaangã faril-rãmba.
  7. A wilgda bool-n-tʋg lɩslaangã yɩɩdlem sẽn be a pʋgẽ, la bũmb ning sẽn be a pʋgẽ sẽn yaa sõma ne boaandã la b sẽn boond a soabã fãa, bala b sẽn boond a soaba tõeeme n sak n kãnde, tɩ boondã paam yel-sõmd bedre.