/ Ned ning sẽn wa n wilg sõma zĩigã, a tara yel-sõmb wala sõmã wã maand bilgri

Ned ning sẽn wa n wilg sõma zĩigã, a tara yel-sõmb wala sõmã wã maand bilgri

Yii a Abɩɩ Mas'ʋʋd Al-ansaary nengẽ -Wẽnd yard be a yĩnga- a yeelame: Raoa n wa Nabiyaamã nengẽ -Wẽnd pʋʋsg la A tɩlgr be a yĩnga- n yeele: ad mam rũngã halkame, bɩ f bao rũng tɩ m zombe, tɩ Nabiyaamã yeele: " m ka tar ye" la rao yeele: Wẽnd Tẽn-tʋʋma, m na n wilg-a-la ned ning sẽn na n kõ-a rũng t'a zombe, tɩ Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeele: "Ned ning sẽn wa n wilg sõma zĩigã, a tara yel-sõmb wala sõmã wã maand bilgri".
A Muslim n togs-a

Explanation

Raoa n wa Nabiyaamã nengẽ -Wẽnd pʋʋsg la A tɩlgr be a yĩnga- n yeele: ad mam bõn-zomdgã kiime, bɩ f kõ-m bõn-zomdg sẽn na n taas-ma, tɩ Nabiyaamã kos-a yaafa: tɩ ad a ka tar bũmb sẽn na n kõ-a t'a zomd ye, tɩ rao yeele, yẽ soabã rag n bee beenẽ: Wẽnd Tẽn-tʋʋma, m na n wilg-a-la ned ning sẽn na n rɩk-a, tɩ Wẽnd Tẽn-tʋʋmã -Wẽnd pʋʋsg la A tɩlgr be a yĩnga- kõ kibare tɩ ad nedã, a naaga ned ning sẽn na n maan doaagã keoor pʋgẽ, bala yẽnd n wilg ned ning sẽn tara tʋlsemã.

Hadeeth benefits

  1. Hadiisã kengdame tɩ b wilg sõma zĩiga.
  2. Pirs taab ne sõmã maanegã, a yaa sabab-rãmb sẽn sõnged lɩslaambã zamã wã, la a lebg n pidsd-ba.
  3. Wilgda Wẽnd yɩɩdlem sẽn yalme, A Naam zẽkame.
  4. Hadiisã yaa zeng raoog sẽn gũbgi, rẽnd tʋʋm sõmbsã fãa kẽeda a pʋgẽ.
  5. Ninsaal sã n ka tõog n kõ bõaasa a sẽn rat bũmb ningã, a tõe n tees-a-la nin-zẽnga.