/ Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ

Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ. La ned ning sẽn boola n tʋg menengo, ad yẽ me tara zũnuuba, wala neb nins sẽn pʋg yẽ wã zũnuub bilgri, tɩ rẽnda ka boogd bãmb zũnuubã baa fʋɩ».
A Muslim n togs-a

Explanation

Nabiyaamã (Wẽnd pʋʋsg la A tɩlgr be a yĩngɑ) vẽnegdame n wilgdẽ, tɩ ned ning sẽn wa n kãndga nebã la a tees-ba la a pirs-ba, n tʋg sore, sɩd la sõma sẽn be beenẽ, zem tɩ yaa ne koεεga maa yaa tʋʋmde, ad a na n talla keoor ned fãa sẽn tũ-a keoor buudu, tɩ bãmb rãmbã keoorã ka boogd baa fʋɩ. Le ned ning sẽn peega nebã n tees zĩri-beed la wẽng sore, tɩ zũnuub be beenẽ la tudgri, maa bũmb sẽn ka sakde, zem tɩ yaa ne koεεg maa yaa tʋʋmde, a soab tara zũnuub la neb nins sẽn sak n pʋg-a wã zũnuub-rãmba, tɩ baa fʋɩ ka boogd bãmb rãmbã zũnuubã baa kɩgda.

Hadeeth benefits

  1. A wilgda bool n tʋg kãndgrã yɩɩdlem, zem tɩ yaa wʋsg tɩ yaa bilfu, n wilgdẽ tɩ boaanda a tara ned ning sẽn na n tʋmã wã keoor bilgri, la rẽnda yaa sẽn be Wẽnd yɩɩdlem kasẽngã pʋgẽ la a kũunã sẽn pidã.
  2. A wilgda bool n tʋg menegã wẽng sẽn ta zĩig ninga, zem tɩ yaa bilf tɩ yaa wʋsgo, la boaandã me tara ned ning sẽn na n tʋmã wã zũnuub buudu.
  3. A wilgdame tɩ keoorã yɩta wala tʋʋmdã buudu, rẽnd ned ning sẽn boola n tʋg sõma, a tara tʋʋmdã keoor buudu, la sẽn boola n tʋg wẽnga a tara a zũnuub wɑla ned ning sẽn na n tʋm-ɑ wã zũnuuba.
  4. Sõmba ne lɩslaam t'a gũus a menga, tɩ b ra wa tʋg n tik yẽnda ne a sẽn wat n maan Wẽnd kɩɩsg n vẽnegdẽ, tɩ nebã yãt-a, a na n paama ned ning sẽn togsa yẽnda n maanã zãnuubã, baa tɩ yẽnda ka pirs a soabã t'a tʋm rẽnda.