/ rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba

rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba

Yii a Aɑɩsa nengẽ, -Wẽnd yard be a yĩnga- a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), a karema Aayae-kãngã {Yẽndɑ n sik Gɑfã fo zugu tɩ Aayɑy-rãmb mɑɑnɑ sẽn yɑɑ vẽenegɑ be ɑ pʋgẽ, lɑ yɑɑ rẽ lɑ gɑfã yẽgrã, lɑ ɑ sãndɑ mɑɑnɑ pɑ vẽeneg ye, lɑ kedgrã sẽn be b rãmb sũyẽ wã, bãmb pʋgdɑ gẽdem-gẽdmã, tɩ yɑɑ yεl bɑoobo lɑ ɑ welsgo ne bãmb yõe yɑm-leoogo, lɑ yɑool n pɑ mi ɑ võorã rẽndɑ Wẽnde, lɑ sẽn tɑɑb tẽkɑ bãngr pʋgẽ wã yetɑme: " tõnd kõo sɩd ne-ɑ, fãɑ yii tõnd Soɑbã nengẽ". Lɑ pɑ tɑgsd n getẽ rẽndɑ yɑm-bεεl rãmbɑ.} [Aalʋ ɭmraan: 7], d ma a Aɑɩsa yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: “rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba».
B zemsa taab a zugu (A Al-Bʋẖaariy la a Muslim n reeg-a)

Explanation

Wẽnd Tẽn-tʋʋma, (Wẽnd pʋʋsg la A tɩlgr be a yĩnga), a karema Aaya-kãngã {Yẽndɑ n sik Gɑfã fo zugu tɩ Aɑyɑ-rãmb mɑɑnɑ sẽn yɑɑ vẽenegɑ be ɑ pʋgẽ, lɑ yɑɑ rẽ lɑ gɑfã yẽgrã, lɑ ɑ sãndɑ mɑɑnɑ pɑ vẽeneg ye, lɑ kedgrã sẽn be b rãmb sũyẽ wã, bãmb pʋgdɑ gẽdem-gẽdmã, tɩ yɑɑ yεl bɑoobo lɑ ɑ welsgo ne bãmb yõe yɑm-leoogo, lɑ yɑool n pɑ mi ɑ võorã rẽndɑ Wẽnde, lɑ sẽn tɑɑb tẽkɑ bãngr pʋgẽ wã yetɑme: " tõnd kõo sɩd ne-ɑ, fãɑ yii tõnd Soɑbã nengẽ". Lɑ pɑ tɑgsd n getẽ rẽndɑ yɑm-bεεl rãmbɑ.} Rẽnd Aaya-kãngã pʋgẽ, Wẽnd kõo kibare, A Naam yɩlgame, tɩ yaa Yẽnda n sik A Nabiyaamã zugu Alkʋrãanã, Aaya-rãmb sẽn be a pʋgẽ tɩ b teesg yaa vẽenega, tɩ b bʋʋdã yaa b sẽn mi, liibg ka b pʋgẽ ye, yaa yẽnda la Gafã yẽgre la a fãa, yẽ me la b lebd n tʋge, yõs taab wakato, la Aayay-rãmb a taab n be, tɩ b raabã rɩkda nems wʋsgo, tɩ b maanã tar gẽdg ne neb sãnda, maa b tẽedame tɩ kɩɩsg n be Aayay-rãmbã ne taab sʋka, rẽ poorẽ tɩ Wẽnd vẽneg n wilg nebã sẽn rɩkd Aayay-rãmbã to-to wã, rẽnd neb nins sũy sẽn kɩll n bas sɩdã sẽn be beenẽ, bãmb basda sẽn bʋ n manegã, la b tʋg n rɩk sẽn tar gẽdg maanã wã pʋgẽ wã, b baooda rẽnda n rat n na n liib nebã la b menes nebã, n leb n maan rẽnda tɩ yaa sẽn na wẽnems Aaya-rãmbã n zems bãmb yamleoodã, la sã n yaa neb nins nao sẽn tablg bãngrã pʋgẽ wã, bãmb mii Aaya-kãesã sẽn tar gẽdgã, tɩ b rɩkd rẽnda n lebsd Aayae-rãmb nins sẽn yaa vẽenega, la b kõt sɩd ne-ba, la b kõt sɩdɑ tɩ b yii Wẽnd nengẽ, A Naam zẽkame, rẽnd b ka bũmb sẽn tõe n yɩ gẽdẽm maa kɩɩs taab ye, la ad ned ka tõe n tẽeg rẽnda, n tags n bãng n maan waazu, sã n ka yam nins sẽn mɑnegã rãmbɑ, rẽ poorẽ, Nabiyaamã, (Wẽnd pʋʋsg la A tɩlgr be a yĩnga), yeela muumin-rãmbã ma a Aɑɩsa, -Wẽnd yard be a yĩnga- t’a sã n yã neb nins sẽn pʋgd Alkʋrãanã Aaya-rãmb nins sẽn tar liibg b fasẽngẽ wã, bãmb la Wẽnd sẽn pʋd n yeel a koεεg pʋgẽ. {tɩ ad neb nins gẽdgã sẽn be b sũy wã} sã n yaa woto, bɩ y gũus-ba la y ra wa kelg-b ye.

Hadeeth benefits

  1. Sẽn bʋ n maneg Alkʋrãanã pʋgẽ : yaa a raabã sẽn nɑ n yaa vẽenega, la a maanã leb n yaa vẽenega, la Aayae-rãmb nins sẽn tar gẽdmã, yaa Aayar ning sẽn tõe n rɩk maana wʋsgo, tɩ rat gesg la fasẽng a pʋgẽ.
  2. Hadiisã bugsdame tɩ d ra naag d mens la d ra gẽdg kεdgdbã la bidã wã nebã, la neb nins sẽn kẽesd yel-gẽdma dĩinã pʋga, n rat n na n menes nebã la b maan-b sikã.
  3. Aayarã baasgẽ, Wẽnd koεεg sẽn yeele {Lɑ pɑ tɑgsd n getẽ rẽndɑ yɑm-bεεl rãmbɑ.} yaa kεdgdbã sãbgre la bãngdbã pẽgre, rat n na n yeelame tɩ ned ning sẽn ka tẽega la a ka maan waazu, n pʋg a yõorã yamleoogo, yẽ ka naag yam pεεlã rãmb ye.
  4. Hadiisã wilgdame tɩ pʋgd Aayae-rãmb nins sẽn tar gẽdẽm fasẽngã wεεngẽ wã, a yaa sabab n kedgd ninsaal sũurã.
  5. Hadiisã wilgdame tɩ yaa tɩlae tɩ d rɩk Aayae-rãmb nins b sẽn tõe n ka fasẽm b maanã wã sẽn rat n yeelã, b rɩk yẽ n tʋg n tõk ne Aayae-rãmb nins sẽn bʋ n manegã, tɩ d fasẽmd-b lame.
  6. Wẽnd kɩtame tɩ Alkʋrãanã sãnda, tɩ b maana wã yaa vẽenega, la A kɩte tɩ sãnda maanã wã tar gẽdse, tɩ yaa sẽn na n zarb nebã n gese, bʋɩl yĩnga tɩ b na welg sɩd-kõtbã ne menemdbã.
  7. Gẽdgã zĩnd Alkʋrãanã pʋgẽ: a wilgda bãngdbã sẽn yɩɩd b taaba, n leb n wilgd yamã sẽn tar koeegre, n ka tõe n bãng bũmb fãa gill ye; bʋɩl yĩng tɩ b na sak n tũ b Naandã la b leb n reeg b zugẽ tɩ b yaa koangdba.
  8. Hadiisã wilgda bãngr sɩd-sɩdã yɩɩdlem lɑ sẽn yɑɑ tɩlɑe tɩ b tablg bãngrã pʋgẽ.
  9. Tafsɩɩr moeembã, b tara koees ne fo sẽn na n kareme n yals zĩig ning sẽn yet tɩ {Allah= Wẽnde} Aɑyɑrã sẽn yeele: { lɑ yɑool n pɑ mi ɑ võorã rẽndɑ (Wẽnde), lɑ sẽn tɑɑb tẽkɑ bãngr pʋgẽ wã} koees a yiib n be beenẽ, rẽnd ned ning sẽn yals {Allah= Wẽnde} yẽ soabã raabã ne ( pɑ mi ɑ võorã): yaa bũmb meng hakɩɩkã la a yalε wã, la wala bũmb ning sor sẽn ka be, n tõe n bãng-ɑ ye, a bilgr yaa wala yõorã yelle, la dũni wã yikr yelle, sẽn yaa yεl nins Wẽnd A yembr tãa sẽn soog a bãngrã, rẽnd bãng koom rãmbã, b kõta sɩd ne-a, la b rɩk a hakɩɩkã n boblg ne Wẽnde, tɩ b sak n tũ n paam tɩlgre. La ned ning sẽn kell n tõk a karengã, n ka yals {Allah= Wẽnde} zugu, rẽnd yẽ soabã raabã yɩta tafsɩɩre la pãrg n bãng a maanã wã, la vẽnegre, rẽnd wakat-kãngã Wẽnd mi-a lame, tɩ bãng koom rãmbã me mi-a, n kõt sɩd ne-a, lɑ b lebsd Aɑyɑ-kãesɑ Aayae-rãmb nins sẽn bʋ n manegã negẽ.