/ , yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye

, yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye

Yii a Mu’aaz nengẽ, Wẽnd yard be a yĩnga, a yeelame: Mam rag n zao Nabiyaamã poorẽ, Wẽnd pʋʋsg la A tɩlgr be a yĩnga, bõang zug, b sẽn boon tɩ Ʋfayr, tɩ Nabiyaamã yeele : « Mu’aaze ! Rẽ yĩnga fo mii Wẽnd hakε wã sẽn zao A yembsã zugu, la yembsã hakε sẽn zao Wẽnd zug bɩɩ » ? Tɩ mam yeele : « Wẽnd la A Tẽn-tʋʋmã, n mi rẽnda ». t’a yeele : « bɩ f bãnge tɩ Wẽnd hakε wã, yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye » Tɩ mam yeele : « rẽ yĩnga, m ka na n noog nebã sũur ne rẽ » ? Tɩ Nabiyaamã yeele : « ra kõ-b ra noog-b sũur ne rẽ, tɩ b wat n teega rẽnda n bas tʋʋmã ».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã, Wẽnd pʋʋsg la A tɩlgr be a yĩnga, vẽnegdame n wilgdẽ, Wẽnd hakε wã sẽn be yembsã zugu, la yembsã hakε sẽn be Wẽnd zugu, n wilgdẽ tɩ ad Wẽnd hakε wã sẽn be yembsã zugu, yaa b tũ-A A Yembr tãa, n ka maan lagem-n-taar ne-A Baa fʋɩ ye, La tɩ ad yembsã hakε sẽn zao Wẽnde, yaa A ra wa tʋg n sɩbg neb nins sẽn yaa Wẽn-yembdbã, sẽn ka maand-b lagem-n-taar ne-A wã. Rẽ poorẽ, a Mu’aaz yeelame : « Wẽnd Tẽn-tʋʋma, rẽ yĩnga, m ka na n kõ nebã kiba-noogo, sẽn na yɩlẽ tɩ b kɩdme la b noog b sũur ne Wẽnd kũun-kãnga » ? Tɩ Nabiyaamã -Wẽnd pʋʋsg la A tɩlgr be a yĩnga- gɩdge, a sẽn yεεsd tɩ b na n wa teeg rẽndã.

Hadeeth benefits

  1. Hadiisã wilgda Wẽnd hakε, A sẽn maan tɩ yaa tɩlae n zao A Yembsã zugu, yẽ me yaa b tũ-A A Yembre, n ka maan lagem-n-taar ne-A baa fʋɩ ye.
  2. Hadiisã wilgda yembsã hakε sẽn zao Wẽnde, A Naam zẽkame, Wẽnd Meng sẽn maan tɩ yaa tɩlae n zaol A Mengã, tɩ yẽnda yaa Wẽnd kũun sẽn yi A Nengẽ, la neema A sẽn maan n kõ A yembsã, yaa A kẽes-b arzãna, la A ra nams-b ye
  3. Bee hadiisã pʋgẽ, kiba-noogo, sẽn yaa bedre ne Wẽn-yembdbã, sẽn ka maand-b lagem-n-taar ne Wẽnde, A Naam zẽkame, n wilgdẽ tɩ ad bãmbã baasg zĩig yaa arzãn kõom.
  4. A Mu’aaz togsa hadiis-kãnga, taoor t’a na n ka maan kaalem, a sẽn yεεsd t’a na n wa lʋɩ zunuub pʋgẽ, t’a sã n solg bãngrã.
  5. Hadiisã nekdame n wilgdẽ tɩ hadiis-rãmb sãnda, b ka sõmb n sẽeg-b neb sãnda nengẽ ye, tɩ rẽnda yaa b sẽn yεεsde neb nins sẽn ka na n bãng hadiisã võorã, la rẽnda yaa hadiis-rãmb nins tʋʋmd sẽn ka be a pʋgẽ, leb n ka be a pʋgẽ sẽn yaa sãri wã bʋʋd-rãmba, maan-n-dolgã wεεgẽ. ( Sã n wɑ yaa boto, yaa tɩlae tɩ b taas-a)
  6. Hadiisã wilgdame tɩ Wẽnd yembdbã sã n kɩɩs Wẽnde, b bee Wẽnd tʋlsem pʋgẽ, A sã n tʋlla t’A sɩbg-ba, la A sã n tʋlla t’A yaaf-ba, la b bãng tɩ b baasgã yaa arzãna, tɩ b sã n yaa Wẽnd yembdba.