/ Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ

Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ

Yii a Gεεbr ɭbn ʿAbdʋllaah nengẽ, (Wẽnd yard be b yiibã yĩnga), t’a wʋma Nɑbiyɑɑmã, (Wẽnd pʋʋsg la A tɩlgr be a yĩngɑ) t’a yetẽ: «Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ, la a sã n kẽ n ka tẽeg Wẽnd yʋʋr a sẽn wat n kẽedẽ wã, la a sʋɩɩtãan sẽn yete: y paama gãag zĩiga, la a sã n leb n ka tẽeg Wẽnd yʋʋrã a rɩɩbẽ wã, la a sẽn yete: y paama gãag zĩiga la rɩɩbo».
A Muslim n togs-a

Explanation

Nabiyaamã (Wẽnd pʋʋsg la A tɩlgr be a yĩngɑ) saglame tɩ b tẽeg Wẽnd yʋʋr yelle, f sẽn wat n kẽed zakẽ la f sẽn wat n rat n na n rɩ, tɩ la ned sã n tẽeg Wẽnd yʋʋrã, n yeele (Bismillaah) a sẽn wat n kẽed a zakẽ wã la a sẽn wat n sɩng a rɩɩbã, la a sʋɩɩtãan sẽn yet a tʋmd-n-taasã: yãmb ka tar gãag zĩiga, y ka tar rɩɩb zak-kãngã pʋgẽ ye, zaka soab paama gũudum n yi yãmbã, ne a sẽn tẽeg Wẽnd yʋʋrã, (A Naam zẽkame). La ned sã n kẽ a zakẽ, n ka tẽeg Wẽnd yʋʋrã yelle, a sẽn wat n kẽedẽ wã, la a sẽn wat n rɩtẽ wã, la a sʋɩɩtãan sẽn yet a tʋmd-n-taasã, tɩ ad b paama gãag zĩiga la rɩɩb zĩigã, zak-kãngã pʋgẽ.

Hadeeth benefits

  1. Yaa sẽn bʋ nonglemã tɩ b tẽeg Wẽnd yʋʋrã b sẽn wat n kẽed zakẽ, la b sẽn wat n na n rɩ, bala a sʋɩɩtãan gãee zɑgsẽ wã la a rɩt zakã-rãmb rɩɩbo, tɩ b sã n ka tẽeg Wẽnd yʋʋrã yelle, (A Naam zẽkame).
  2. A sʋɩɩtãan gũusda ninsaala a tʋʋmẽ wã la a nɑ-kẽndrẽ wã la a tʋʋmã fãa gill pʋgẽ, la a sã yim n bas Wẽnd yʋʋrã tẽegre, la a sʋɩɩtãan sẽn paamd a tʋlsemã a nengẽ.
  3. Wẽnd yʋʋrã tẽegr rigda a sʋɩɩtãana.
  4. Sʋɩɩtãana yembr fãa tara pʋgdba la nong-n-taase, tɩ b noog b sũyã ne a koeesã la b pʋgd a saglsã.