/ Ned ning sẽn wa n tʋg siga sigb zĩigẽ, rẽ poorẽ t'a yeele: m kota gũudum ne Wẽnd goamã sẽn pidã, n yi A sẽn naan fãa wẽnga, bũmb ka namsd-a halɩ t'a wa tʋg n yik zĩ-kãngã

Ned ning sẽn wa n tʋg siga sigb zĩigẽ, rẽ poorẽ t'a yeele: m kota gũudum ne Wẽnd goamã sẽn pidã, n yi A sẽn naan fãa wẽnga, bũmb ka namsd-a halɩ t'a wa tʋg n yik zĩ-kãngã

Yii a Hawla sẽn yaa Hakiim As-sʋlamiyya bi-pugla, a yeelame: mam wʋma Wẽn Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: «Ned ning sẽn wa n tʋg siga sigb zĩigẽ, rẽ poorẽ t'a yeele: m kota gũudum ne Wẽnd goamã sẽn pidã, n yi A sẽn naan fãa wẽnga, bũmb ka namsd-a halɩ t'a wa tʋg n yik zĩ-kãngã».
A Muslim n togs-a

Explanation

Nabiyaamã (Wẽnd pʋʋsg la A tɩlgr be a yĩnga) kãndga a poorẽ rãmbã gãdbo la lebs-m-menga, lebs-m-meng sẽn nafde, sẽn tusd yell fãa, b sẽn gũusdi, tɩ ninsaal yεεsdẽ, a sẽn wat n sig zĩig ning fãa, tẽngã zugu, zem tɩ yaa sor zugu, maa a yiime n na n noog a yõore, maa zẽng sẽn ka rẽ, t'a loe a menga, la a lebs a meng ne Wẽnd goamã sẽn pidã, a yɩɩdlemã pʋgẽ la a albarkã, la a nafã wã, sẽn tɩlg n yi zang fãa la boogre, n yi bõn-naandg fãa wẽnga, wẽng sẽn be a pʋgẽ, t'a paam bas-m-yam a sigbã zĩigẽ, t'a sã n ket n bee beenẽ, n yi bũmb fãa sẽn namsd neda.

Hadeeth benefits

  1. Kos gũudum ne Wẽndã, a yaa tũudum, la yaa sẽn na n yɩ ne Wẽnde - A Naam zẽk yã-, maa A yʋyã, maa A sɩf-rãmbã.
  2. Sakdame tɩ b kos gũudum ne Wẽnd goama, bala a yaa sɩfa, sẽn yi A sɩf-rãmbã pʋgẽ, -A Naam yɩlgame-, la rẽ welgame ne fo sẽn na n kos gũudum ne bõn-naandga, a sẽn yaa a soab fãa, yẽnda yaa lagem-n-taare.
  3. Wilgda doaag-kãngã yɩɩdlemã la a barkã
  4. Bao kãdeng (gũudum) ne yõkr-rãmbã, a yaa sabab n gũud yamba n yi wẽnse.
  5. A wilgdame tɩ ka sõmb tɩ b kos gũudum ne zẽng sẽn ka Wẽnde ye, sẽn yaa zin-rãmba, la tɩɩm rãmba (tɩ-soaadba) la zĩri-be-neba la zẽng sẽn ka bãmba.
  6. Wilgda sãri wã sẽn kõ sor tɩ b maan do-kãngã, ne ned ning sẽn wa n tʋg n siga zĩigẽ, zem tɩ yaa yiri maa yaa so-toaka.