/ A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã

A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã

Yii a ɭbn Ʋmar nengẽ, -Wẽnd yard be n yiibã yĩnga-, a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã".
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõta kibare, t'a Gibriila ka bake, n yɩlemd yẽndã zugu, la a sagend-a t'a nidg pãng ne a yaka, yak ning zak sẽn pẽ wã, zem tɩ yaa lɩslaama maa yaa kɩfre, zem t'a yaa rog pẽta maa a ka rog pẽta, a sagendame tɩ b gũus a hakε wã la b ra nams-a ye, la b maneg-a la b maan sugr ne a namsgo, halɩ tɩ Nabiyaamã -Wẽnd pʋʋsg la A tɩlgr be a yĩnga- wa tẽeda yakã hakε zɩslem sẽn ta to-to ningã la a Gibriil sẽn yɩlemdã wã, tɩ wahɩ n na n sigi, n kõ-a pʋɩɩre a yakã sẽn basd arzεk ningã a kaalem poorẽ.

Hadeeth benefits

  1. Yakã hakε zɩslem la sẽn yaa tɩlae tɩ b gũ rẽndã wã.
  2. Yakã hakε sẽn kenge ne a Gibriil sagellã, wilgdame tɩ sõmbame tɩ b waoog-a la b bao nonglem ne-a la b maan-a neere, la b tus sẽn namsd fãa n yi-a la b kaag-a bãag wakato la b pʋʋs-a ne zu-noogo, noog sasa la b pʋʋs-a ne toogo, yell sasa.
  3. La yakã ragnoor sẽn pẽneg n yɩɩd fãa la a hakε wã sẽn kengd n paasdẽ.
  4. Wilgda sari sẽn pidi a sẽn wa ne yell ninsã, tɩ be beenẽ sẽn manegd nimbuiidã, sẽn yaa manegr n tʋg yagse, la tus namsg n yi-ba.