/ Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?

Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) ɑ yeelame: «Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?» La b yeele: N-yee, Wẽnd Tẽn-tʋʋma, la a yeele: «yaa koom yõk tɩ ta ne sẽn ka noomã fãa, la na-tagdɩ wʋsgo n tʋg miisã wã, la kolled Pʋʋsgo, Pʋʋsg loogr poorẽ, ad yaa yẽ bal la Ar-rɩbaate (kor n gɩd bεεba)».
A Muslim n togs-a

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) soka a Ṣahaabsã, rẽ yĩnga b ratame t'a tees-b tʋʋma tɩ yɩt sabab n yaaf b zũnuubã, la yẽes (zũnuub-rãmbã) malεgsã sẽn da gʋlse, la zẽk b dargε-rãmbã arzãnã pʋgẽ? Tɩ Ṣahaabsã yeele: N-yee, d rata rẽnda, t'a yeele: Rẽenem: yaa fo gũbg koomã yõgb la f pids-a baa tɩ musak sã n be beenẽ, wala waoodo, la koom kaalem, la yĩn-zabre, la ko-tʋʋlga. Yiib soaba: yaa no-tagma wʋsgre -yẽ me la bũmb ning sẽn be nao-tagdɩ wã sʋka- n tʋg miisã, zakã sẽn zãr yĩnga, la yɩlgrã wʋsgre. Tãab soaba: yaa Pʋʋsgã wakat kollego la sũurã sẽn na n yag ne-a la saglg a yĩngã la zĩnd a yĩngã miisrẽ wã la zãma pʋgẽ, rẽnd a sã n pʋʋse, a zĩndida a Pʋʋsgã zĩigẽ n koll Pʋʋsg a to. Rẽ poorẽ tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) vẽneg tɩ yel-kãngã, ad yaa yẽnda la gɩd bεεbã todsẽ wã hakɩɩka, bala a pagda sʋɩtãan soya yõorã zugu la a modgd yõor yamleoogo, la a gɩdgd-a n yi yuus-yuusã reegre, t'a tõog n will ne a zãmã wã a sʋɩɩtãan tãpã, la rẽnda gɩhaadɩ kãsengã, rẽ n kɩt tɩ yaa wala Rɩbaat (koll n gɩd bεεbã todse).

Hadeeth benefits

  1. Yaa gũus zamã wã lagem n Pʋʋs miisã wã, yɩɩdlem ning sẽn be a pʋgẽ, la ning-toaag ne pʋʋsgã la ra maan soagl n basa ye.
  2. Yaa Nabiyaamã (Wẽnd pʋʋsg lɑ A tɩlgr be ɑ yĩngɑ) wilg sõngã la a kõt nong-kεgeng a Ṣahaabsã, ne a sẽn sɩng ne-b yel-sõmb kasenga, sẽn tũud ne sokre, la wãnde yaa sor sẽn be wilgrã soy pʋgẽ.
  3. Yõod ning sẽn be fo sẽn na n wilg masaalã sẽn tũ ne sokr la lokrã: yaa tɩ goamã kẽeda ned n yɩɩda, ne sẽn dengd n luddã n yaool n vẽnegã.
  4. Limaam Annawawiy yeelame (Wẽnd na yols-a) : ad yaa yẽnda la gɩd bεεbɑ tɩ b ra kẽ wã, rat n na n yeele: yaa gɩdb ning b sẽn bʋ nonglem ne-a wã, la gɩdbã yẽgrã menga yaa bũmb gɩdbo, yaa wala yẽnda gɩda a menga Wẽnd tũudum pʋgẽ. La b yeelame tɩ yẽnda la gɩd bεεbã tɩ b ra kẽ wã sẽn yɩɩde, wala b sẽn yeel tɩ gɩhaadɩ yaa zab ne yõorã yamleoogo, tõeeme tɩ raabã yaa tɩ yẽnda la gɩhaadɩ ning sẽn yaa yol-yole, sẽn yaa naana tɩ b tõe wã, rat n na n yeele tɩ yẽnda yaa Rɩbaata (gɩdbã) kõbgo.
  5. B yɩlma Rɩbaata (gɩdbã) gom-bila, la b maan-a n welge; tɩ yaa tʋʋm-kãensã yellã zɩsgr yĩnga.