/ Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi

Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi

Yii a Abɩɩ Hʋrayra nengẽ, -Wẽnd yard be a yĩnga-, tɩ yii Wẽnd Tẽn-tʋʋm nengẽ, -Wẽnd pʋʋsg la A tɩlgr be a yĩnga- a yeelame: "Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi, la ned ning sẽn kõta sɩd ne Wẽnde la yaoolem raarã bɩ a waoog ɑ yaka, la ned ning sẽn kõta sɩd ne Wẽnde la yaoolem raarã bɩ a waoog ɑ sãana".
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- vẽnegame tɩ yamb sẽn yaa sɩd-kõta ne Wẽnde la yaoolem raarã, sẽn yaa a lεbengã zĩigẽ, b sẽn na n rol-a a tʋʋmã zĩig ningẽ wã, yẽ soabã liimaoongã pirsd-a lame t'a maan tʋʋm sõms-kãensã: Rẽenem: yaa gom sõng yeelgo, sẽn yaa Wẽnd yɩlgre, la sagl ne manegre, la gɩdg ne yel-kiti la nebã ne taab sʋk manegre, a sã n ka maan rẽ a sĩndidame la a yõk a nangã la a zelemdã n yi nebã. Yiib soaba: yaa yak waoogre, ne a sẽn na n maneg n tʋg a nengẽ la a ra nams-a ye. Tãab soaba: Sãan waoogre, sãan ning sẽn wat n na n ges-a wã, n gom ne-a gom noodo la a rɩlg-a rɩɩbo la sẽn wõnd rẽnda.

Hadeeth benefits

  1. Yaa kõ sɩd ne Wẽnde la yaoolem raarã, yẽnda yaa yẽgre ne sõmã fãa, a leb n peegdame n kẽngd tʋʋm sõng zĩigẽ.
  2. A bugsdame n yit zelemdã bãase.
  3. A wilgdame tɩ lɩslaamdã dĩinã yaa mining la waoogr dĩini.
  4. La yel-sõmd-kãensã a bee sɩd-kũunã kõbg pʋgẽ la zʋgd sõmbs nins b sẽn pẽgã.
  5. Goamã wʋsgã a tõeeme n tall ned n kẽng yel-kiti maa yell sẽn gɩdge, la tɩlgre a bee sĩndig pʋgẽ, sã n ka mikame tɩ yaa sõma pʋgẽ la f na n gome.