/ Ned fãa tara doaag a sũgsã fãa zugu

Ned fãa tara doaag a sũgsã fãa zugu

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Tẽn-tʋʋmã nengẽ, (Wẽnd pʋʋsg la A tɩlgr be a yĩnga) a yeelame: «Ned fãa tara doaag a sũgsã fãa zugu, wĩntoog sẽn na n puk fãa tɩ fo maneg zabd-n-tɑɑs a yiib ne taab sʋka, f tara doaaga, fo sẽn na n sõng ned ne a rũnga, n zẽk-a n zombg a rũngã zugu, maa n zẽk a teedã n roglge, yaa doaaga, gom-yɩlenga yaa doaaga, nag-tagdr fãa fo sẽn yãk n rabd Pʋʋsgẽ yaa doaaga, la tus bũmb sẽn namsd nebã n yi sor zugu, yẽ me yaa doaaga».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegdame, tɩ lɩslaam fãa sẽn yaa baaliki a tara sãra raar fãa gilli, yẽ yĩn-wilã rʋd sõor tεkẽ, yẽ sẽn maan yam yãkr ne Wẽnde tɩ yaa bark pʋʋsgo, ne yẽ sẽn tar laafɩ wã, la A sẽn mɑɑn ɑ kõbã tɩ yɑɑ sũgsã, tɩ b tõe n põd la b tẽegã, La sãra-kãngã fo paamd-a lame ne fo sẽn na n tʋm manegr gillã fãa, a ka yals ne arzεk tʋʋm bal ye. La sẽn be b pʋgẽ: Fo sẽn na n tẽeg tɩrg la f maneg zabd-n-taas a yiib sʋka, yaa sãra, Fo sẽn na n sõng koamsa a rũngẽ, n zẽk-a t'a zombe, maa f zẽk a teedã n kõ-a yaa sãra, Gom-yɩlemde, sẽn yaa Wẽnd yʋʋr tẽegr la kosgo la sallem ningri, la zẽng sẽn ka yɩ ne rẽnda, yaa sãra, Na-tagdr fãa fo sẽn yãk n kẽng Pʋʋsgẽ, yaa sãra, La fo sẽn na n yiis bũmb ning sẽn namsd nebã sorã zugu, yaa sãra.

Hadeeth benefits

  1. A wilgda ninsaal kõbã la a laafɩ wã, a yaa neemã kãseng sẽn be Wẽnd neemã-rãmbã A sẽn maan n kõ nebã, rẽnd kõbr fãa tara tʋlsem tɩ fo maan sãra a yĩnga, sẽn welg ne yĩn-wil-kãngã, sẽn na yɩlẽ tɩ Wẽnd neemã wã bark pʋʋsg pidi.
  2. B maana yamleoog tɩ b palms barkã pʋʋsg raar fãa, sẽn nɑ yɩl tɩ neemã-kãng duume.
  3. B maana nonglem tɩ b duum ne naafɩl-rãmb maanego la sãra-rãmb raar fãa.
  4. A wilgda yɩɩdlem ning sẽn be manegr nebã ne taab sʋkã
  5. Pirsdame tɩ ned sõng a ma-bi-taaga, bala a sã n sõng-a yɩta sãra.
  6. Pirsdame tɩ b wa zamã wã Pʋʋsgo, la b kẽn n kẽnge, la b vɩɩms miisã wã ne rẽndɑ.
  7. Yaa tɩlae tɩ b waoog lɩslaambã soyã, la b zãag bũmb ning sẽn namsd-ba ne sorã.