/ Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr

Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr

Yii a ʿAɑɩša sẽn yaa muumin-rãmbã ma wã nengẽ (Wẽnd yard be a yĩnga): t'a Ʋmmu Salamat togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) Wẽnd roog (Egliisi) yẽ sẽn yã Habaša (Etioopi ) tẽngẽ wã, tɩ b boond t'a Maariya, a togsa Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) bãmb sẽn yã a pʋgẽ sẽn yaa nin-naandse, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) yeele: «Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr a yaoogẽ wã, la b ning nin-naand-kãensã beenẽ, ad bãmbã la bon-naandsã sẽn yɩɩd wẽnem Wẽnd nengẽ».
B zemsa taab a zugu (A Al-Bʋẖaariy la a Muslim n reeg-a)

Explanation

Muumin-rãmbã ma wã a Ʋmmu Salamat togsame (Wẽnd yard be a yĩnga), t'a togsa Nabiyaamã (Wẽnd pʋʋsg la A tɩlgr be a yĩngɑ) tɩ yẽ yãa Habaša tẽngẽ wã roogo -tɩ b boond tɩ Maariya- yaa nin-naandse la nags-teedo la sulusugdu; tɩ yaa a sẽn maan yel-solemd ne rẽnda! Tɩ Nabiyaamã (Wẽnd pʋʋsg la A tɩlgr be a yĩngɑ) na n vẽneg n wilg-a sabab-rãmb nins sẽn kɩt tɩ b ning nin-naands-kãensã wã; n yeele: tɩ ad bãmba ra yɩɩme tɩ b nin-sõng sã n maan kaalem la b sẽn met miisr a yaoogẽ wã, n pʋʋsd beenẽ, la b ning nin-naands-kãensã ɑ pogẽ, tɩ Nabiyaamã vẽneg n wilgi tɩ sẽn maand-b woto wã la bon-naands sẽn yɩɩd wẽnga Wẽnd nengẽ, (A Naam zẽkame), bala tʋʋm-kãngã yɩta sabab n kẽng lagem-n-taar ne Wẽnde, (A Naam zẽkame).

Hadeeth benefits

  1. Miisã wã meeb yaadẽ wã yaa sẽn gɩdge, maa Pʋʋsg maaneg beenẽ (yaadẽ wã), maa kũ-rãmbã mumb miisã wã, tɩ rẽ yaa sẽn na n yẽd lagem-n-taarã sabab-rãmba.
  2. Miisã wã met yaadẽ wã la nin-naandsã maaneg b pʋgẽ, yaa Yahuud-rãmb la Nasaar-rãmb tʋʋma, la ned ning sẽn maan woto, a wõns-b lame.
  3. Wilgame tɩ gɩdgame tɩ b wa tʋg n tall nin-naands (sulusugdu) sẽn yɑɑ bon-naands sẽn tar yõyã.
  4. Ned ning sẽn me miisr yaoog zugu, n ning nin-naands (sulusugd) beenẽ, yẽnda a bee Wẽnd bon-naandsã sẽn yɩɩd wẽngã pʋgẽ, (A Naam zẽkame).
  5. Sãri wã a gũuda Tawhɩɩdã (Wẽn-yembgã) gũub sẽn pidi, n yẽt soy nins fãa sẽn talled n kẽngd lagem-n-taarã.
  6. A gɩdgdame maan n zʋʋg nin-sõmbsẽ wã; bala a yaa sabab tɩ ned wa tʋg n lʋɩ lagem-n-taar pʋgẽ.