/ Wẽnd kãab beed bee ne Yahuud-rãmb la Nasaar-rãmbɑ, b rɩka b nabiyaam-rãmbã yaado, n maan misa

Wẽnd kãab beed bee ne Yahuud-rãmb la Nasaar-rãmbɑ, b rɩka b nabiyaam-rãmbã yaado, n maan misa

Yii a ʿAaɩša la a ʿAbdʋllaah ɭbn ʿAbbaas nengẽ (Wẽnd yard be b yiibã yĩnga) b yiibã yeelame: Bãagã sẽn wa n keng Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a rɩkda fuug n pil a nengẽ, tɩ vʋʋsgã sã n wa yaa toog ne-a la a sẽn lakd n bas a nengã, n yeele, t'a be halhaal-kãngã pʋgẽ: « Wẽnd kãab beed bee ne Yahuud-rãmb la Nasaar-rãmbɑ, b rɩka b nabiyaam-rãmbã yaado, n maan misa», tɩ woto yaa sẽn bugsd nebã tɩ b ra maan bãmbã sẽn maan-a ye.
B zemsa taab a zugu (A Al-Bʋẖaariy la a Muslim n reeg-a)

Explanation

D ma a ʿAaɩša la a ɭbn ʿAbaase, (Wẽnd yard be b yĩibã yĩnga), b kõta tõnd kibare, tɩ kũumã sẽn wa n wa Nabiyaamã (Wẽnd pʋʋsg la A tɩlgr be a yĩnga), a rɩka peende n pĩnd a nengã, tɩ vʋʋsgã sã wa yaa toog ne-a, ne sẽn yaa kũum bãagã, la a sẽn lakd n bas a nengã, n yeel halhaal-kãngã sẽn yaa kεgengã fãa, Wẽnd kãab beed be ne Yahuud-rãmb la Nasaar-rãmba, la A rig-b lame n yiis A yolsgẽ wã, la woto yaa bãmb sẽn me misa b nabiyaam-rãmbã yaad zugã, la yel-kãngã sã n da ka bedre, Nabiyaamã kõn n tẽeg-a zĩ-kãngã wakat ye, rẽ n kɩt tɩ Nabiyaamã (Wẽnd pʋʋsg la A tɩlgr be a yĩnga) gɩgd a poorẽ rãmbã tɩ b ra wa tʋg n maan n wõneg tʋʋm-kãngã ye, bala yaa Yahuud-rãmb la Nasaar-rãmb tʋʋmde, a leb n yaa sore, sẽn talled-b n kẽng lagem-n-taar ne Wẽnde, (A Naam yɩ wagell n zẽke).

Hadeeth benefits

  1. B gɩdgame tɩ b rɩk nabiyaam-rãmbã la nin-sõmbsã yaado n maan misa, n pʋʋsd Wẽnd beenẽ, bala a yaa sore, sẽn tar n rabd lagem-n-taare.
  2. A wilgda Nabiyaamã (Wẽnd pʋʋsg la A tɩlgr be a yĩnga) sẽn ning a toaag hal wʋsg ne Wẽn-yembgã, la a sẽn leb n yεεsd b sẽn na n wa zɩsg yaadã, bala yẽnda yaa bũmb sẽn tar n rabd lagem-n-taare.
  3. Sakdame tɩ b kãab Yahuud-rãmb la Nasaar-rãmba, la ned fãa sẽn maan bãmb tʋʋmdã buudu, sẽn yaa me yaadã zutu la rɩk-b tɩ b yaa misa.
  4. Wilgdame tɩ me yaadã zugã yaa Yahuud-rãmb la Nasaar-rãmb nɑ-kẽndr la rẽ, la hadiisã wilgdame tɩ b gɩdgame tɩ b wa wõnes-ba..
  5. Sẽn be rɩk yaadã n maan misã wã, yaa pʋʋsd beenẽ la pʋʋsd n togẽnd-b baa tɩ sã n ka me misri.