/ Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ

Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ

Yii Abɩɩ Bakr nengẽ- Wẽnd yɑrd be ɑ yĩng- ɑ yeelɑme: mɑm wʋmɑ Wẽnd Tẽn-tʋʋmɑ -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: « Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ«, tɩ mam yeele: Wẽnd Tẽn-tʋʋmã, yãwã yẽ la nin-kʋʋdã, tõnd mii yẽndã yellã, la kiidã yaa bõe yĩng t'a kẽed Bugmẽ? La a yeele: «ad yẽ me rag n yɩɩme n tar yã-beedo, n na n kʋ a tũud-d-ntaagã».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõta kibare, tɩ lɩslaamb a yiib sã n yek taaba, ne b sʋʋs a yiibã, ned fãa rat n na n halk a to, rẽnd nin-kʋʋdã bee Bugmẽ, a sẽn kʋ a tũud-n-taagã yĩnga, la yellã gẽdga ne sahaabsã kiidã yĩnga: yaa bõe tɩ yẽ be Bugmẽ? Tɩ Nabiyaamã -Wẽnd pʋʋsg la A tɩlgr be a yĩnga- kõ kibare, tɩ ad yẽ me bee Bugmẽ, bala a rag tara nonglem n na n kʋ a tũud-n-taagã, la bũmb ka gɩdg-a rẽnda yãwã soabã sʋʋgã sẽn reng n kʋ yẽ wã bala.

Hadeeth benefits

  1. Hadiisã wilgdame tɩ ned ning sẽn wa n loe ne Wẽnd kɩɩsg tʋʋma, a sõmba ne namsgo, t'a sã n rɩk Wẽnd kɩɩsgã sabab-rãmba.
  2. Hadiisã bugsda ne kengre lɩslaambã wa tɩ zabd taaba, la a leb n maand pʋleng wẽnga ned ning sẽn wa n maana tʋʋm-kãngã ne Bugum.
  3. Lɩslaambã ne taab sʋka, zabrã sã n yaa sɩd zabre, yẽ ka kẽed pʋleng beedã pʋgẽ ye, wala zab ne kɩɩsdbã la sãamdbã.
  4. Hadiisã wilgdame tɩ ned sẽn maan zunuub bedre, a ka kɩfẽnde, ne a sẽn maan tʋʋmdã ye, bala Nabiyaamã -Wẽnd pʋʋsg la A tɩlgr be a yĩnga- a pʋda zabd-n-taas a yiibã tɩ lɩslaamb a yiibu.
  5. Lɩslaamb a yiib sẽn yek taaba, sẽn tũ ne sor ning fãa tɩ kʋʋb tõe n zĩndi, tɩ b yiibã yembr kʋ a to, rẽnd kʋʋdã la kiidã fãa bee Bugmẽ, la a sẽn yeel tɩ sʋʋgã, a yaa bilgr bala, la baa sẽn yaa bũmb ning fãa, a kẽeda pʋleng wẽngã pʋgẽ.