/ Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã

Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã

Yii Abʋʋ Hʋrɑyrɑt nengẽ (Wẽnd yɑrd be ɑ yĩng) ɑ yeelɑme: mɑm wʋmɑ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) t'ɑ yetẽ: «Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã, la sẽn be vẽnegrã pʋgẽ, yaa ned sẽn na n maan tʋʋm yʋngo, n vẽeg beoog tɩ Wẽnd luda a bãngo, t'a tʋg n yetẽ: zagla! Ad yʋngẽ mam maana woto la woto, ad yẽ rag n gãanda yʋngẽ t'a Soabã yaa sẽn lud a bãngo, t'a vẽeg beoong n pãrgd Wẽnd sʋtrã (bãn-loeerã) n basd a mengã».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegdame n wilgdẽ tɩ lɩslaam sẽn yaa zũnuub soaba, a tẽeda Wẽnd yolsgã la A yaafgã a yĩnga, sã n ka ned ning sẽn wa n vẽnegda Wẽnd kɩɩsgã, n pugd ne-a la yaa yalamdo, yẽ soab ka sõmb ne yaafa ye, ne a sẽn na n maan Wẽnd kɩɩsg yʋngo, n vẽeg beoog tɩ Wẽnd yaa sẽn lud a bãngo, t'a tʋg n yẽsd ne nin-zẽnga tɩ yẽ maana Wẽnd kɩɩs-kãngã zaame, tɩ Wẽnd yaool n da luda yẽ bãongo, tɩ yẽnda vẽeg beoog n pãrgd Wẽnd bãongã n basd a meng ne yãnde!!

Hadeeth benefits

  1. Wilgda Wẽnd kɩɩsgã vẽnegr wẽng sẽn ta zĩig ninga, Wẽnd sẽn maan-f ludb poorẽ.
  2. Maan Wẽn-kɩɩsgã n vẽnegdẽ wã, a sẽegda yel-beedã muumin-rãmbã ne taab sʋka.
  3. Wẽnd sẽn lud a soab dũni kaanẽ, A maand-a-la ludb yaoolem raarã, la woto yaa sẽn be Wẽnd yolsgã sẽn yaa yaleng ne A yembsã, (A Naam yɩ wagelle).
  4. Ned ning b sẽn wa n zarb ne Wẽnd kɩɩsgo, yaa tɩlae ne-a t'a lud a mengã, la a tuub n tʋg Wẽnd nengẽ.
  5. Wilgda vẽnegdbã zũnuub bedrem sẽn ta zĩig ninga, sẽn maand-b pʋ-toog ne Wẽnd kɩɩsgã vẽnegrã, n põsgd b mens ne Wẽnd yaafg la A laafɩ wã maanego.