/ Gũus-y y mens ne sãmbse, tɩ ad sãmbsã la gom sẽn tʋg n yɩɩd zĩri-beedo

Gũus-y y mens ne sãmbse, tɩ ad sãmbsã la gom sẽn tʋg n yɩɩd zĩri-beedo

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) ɑ yeelame: «Gũus-y y mens ne sãmbse, tɩ ad sãmbsã la gom sẽn tʋg n yɩɩd zĩri-beedo, la y ra pẽes n bãnge, la y ra vees n bãng ye, la y ra maan taab sũ-kiir ye, ra rabs-y taab ye, ra n gẽ-y taab ye, la y yɩ Wẽnd yembse, n yaa ma-biisi».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩngɑ) a gɩdgdame la a bugsd yεl sãnda sẽn yɩt sabab n kẽng ne welgre la beem lɩslaambã ne taab sʋka, la sẽn be rẽ pʋgẽ: Yaɑ (tẽ-wẽnga) yẽ me yaa rõdb sẽn zĩndid sũurẽ wã tɩ ka tũ ne daliil ye, la a wilgame tɩ yaa yẽnda la goamã sẽn yɩɩd zĩri-beedo. Yaa (pẽesgo) yẽ me la baood nebã yãna n nɑ n bãnge, sẽn tũ ne nifri mɑɑ tʋbre. Yaa (veesgo): yẽ me yaa bao n na n bãng yεl sẽn solg yεlã pʋgẽ, la noor wʋsgo yaa sẽn na n yaa wẽng bao n bãng pʋgẽ. La (sũ-kĩiri) yẽ me yaa fo sẽn na n ka nong tɩ neb a taabã pɑɑm neemã. Lɑ: (Kɩs taab zã-kuidsi) ne b sẽn na n ball n bas taaba, n ka pʋʋsd taaba, lɑ ka kaagd a ma-bi-taag sẽn yaa lɩslaama ye, Lɑ: (gẽ-tɑɑbɑ) la kisg-taaba la zoe-n-zãag taaba, wala neb a taabã nɑmsgo, la nen-gãnengɑ la yek-yooko. Rẽ poorẽ tɩ Nabiyaamã yeel gomd sẽn tigme, tɩ lɩslaambã yɑlẽ wã bãmb ne taab sʋkã manegdẽ, sẽn tũ ne gom-kãngã, ɑ yeelɑme: (Yɩ-y Wẽnd yembse, n yaa ma-biisi) Rẽnd ma-biirã, a yaa tõkre, tɩ nebã ne taab kiid-n-taarã tabend ne-a, tɩ nonglemã la miningã paasd bãmb ne taab sʋka.

Hadeeth benefits

  1. Tẽ-wẽngã pa yooko ne ned ning wẽngã tagmas-rãmb sẽn vẽneg a soab nengẽ ye, la sõmba ne muumin t'a yɩ yam soaba, n yaa pʋ-tẽ witg soaba, n ka belgd a menga ne nin-wẽnsã la dĩin-yitbã ye.
  2. Sẽn ratã yaa bugs n yi rõdb ning sẽn tabend nebã menga, la a leb n gɩdg tɩ b ra kell n duum a zug ye, la sã n yaa bũmb ning sẽn balled a nengẽ, n ka tabendẽ, yẽ soabã b ka rogend ninsaal a yellã ye.
  3. Yaa bũmb ning sẽn tõe n yɩ sabab tɩ lɩslaambã zãma zab taab la b wãag taabã gɩdgre, la pẽesg la sũ-kiir la sẽn wõnd b yiibã gɩdgre.
  4. Yaa saglg tɩ b tʋm ne lɩslaam tɩ yaa wala fo sẽn tʋm ne f ma-biiga, saglg la nonglem wεεngẽ.