/ Ned ning sẽn wa n tʋlla tɩ b yalg a rɩtlã la b yaool a vũunã, bɩ a tõk a rogmã

Ned ning sẽn wa n tʋlla tɩ b yalg a rɩtlã la b yaool a vũunã, bɩ a tõk a rogmã

Yii a Anas nengẽ -Wẽnd yard be a yĩnga- tɩ ad Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ned ning sẽn wa n tʋlla tɩ b yalg a rɩtlã la b yaool a vũunã, bɩ a tõk a rogmã".
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõta bikare, tɩ b tõk rog pẽtbã ne kaagre la b waoog-ba yĩng wεεngẽ la arzεk wεεngẽ la zẽng sẽn ka yɩ ne rẽnda, t'a yaa sabab n yalgd rɩtla la a tonged yõore.

Hadeeth benefits

  1. Rogmã, bãmb la pẽtbã, maa ba wã la ma wã wεεngẽ, la rogmã sẽn wa n tʋg n pẽ n yɩɩd fãa, mikdame tɩ yẽ n sõmb ne tõkr n yɩɩda.
  2. Hadiisã wilgdame tɩ rolbã yɩtɑ wɑlɑ tʋʋmdã buudu, rẽnd ned ning sẽn tõka rogem ne manegr la neer maanego, Wẽnd tõkd-a lame a yõorã wolgem wεεngẽ la a rɩtlẽ wã.
  3. Wilgdame tɩ rogem tõkre, a yɩta sabab sẽn paasd rɩtla la a yalgd-a, la sabab n wogend yõore, baa tɩ sã n mikame tɩ rɩtlã la yõorã yaa bũmb sẽn yãk toaaga, a maanda bark b pʋsẽ, t'a maan a vɩɩmã pʋgẽ yεl wʋsgo la nafa, tɩ yɩɩd a taabã sẽn maandã, sãndã pʋs n yeelame tɩ yɩta ne yõorã woglemã la rɩtlã paasg sɩd-sɩda. La Wẽnd n yɩɩd minim.