/ m pa na n kõ-y kibar ne zũnuub bεdã sẽn yɩɩd bedrem?"

m pa na n kõ-y kibar ne zũnuub bεdã sẽn yɩɩd bedrem?"

Yii a Abɩɩ Bakrɑtɑ nengẽ (Wẽnd yard be a yĩnga) a yeelame: Nabiyaamã, (Wẽnd pʋʋsg la A tɩlgr be a yĩnga) yeelame: "m pa na n kõ-y kibar ne zũnuub bεdã sẽn yɩɩd bedrem?" Tɩ tõnd yeele: n-yẽe Wẽnd Tẽn-tʋʋma, t'a yeele: yaa lagm-n-taar ne Wẽnde, la roagdb a yiibã namsgo, la a ra kɩlame t'a zĩndi n yeele: la zĩri-beedo, la a pa bak n yɩlemd-a, hal tɩ tõnd wa yeele: a pa na n yɑɑ n sĩndĩ.
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã, (Wẽnd pʋʋsg la A tɩlgr be a yĩnga) kõta a Ṣahaabsã kibare zũnuub bεd sẽn yɩɩdã, n togs bãmbã b tãabã: 1-Yaa lagm-n-taar ne Wẽnde: yẽ me yaa f sẽn na n wẽnems tũud-rãmbẽ wã, tũudum, n kõ zẽng sẽn ka Wẽnde, la fo sẽn na n mams zẽng sẽn ka Wẽnd ne Wẽnde, tũudmã wεεngẽ, la Sobẽndã wεεngẽ, la yʋy wã la sɩf-rãmbẽ wã. 2-Yaa roagdb a yiibã namsgo: yẽ me yɑɑ namsg buud fãa ne roagdb a yiibã, zem tɩ yaa gomde, maa yaa tʋʋmde, la fo sẽn na n bas maneg n tʋg b yiibã. 3-Yaa zĩri-beed koεεga, sẽn be yẽ pʋgẽ me yaa kaset zĩri: yẽ me la gom fãa sẽn yaa zĩri-beedo, b sẽn yage, n rat n na n paoog ned ning b sẽn yag n roglgã, n na n reeg a ligdi, wɑllɑ maan n zʋʋg a zugu, a burkĩndẽ la sẽn wõnd rẽ. La Nabiyaamã, (Wẽnd pʋʋsg la A tɩlgr be a yĩnga) a yɩlma bugsgã zĩri-beedã koεεg zĩigẽ, tɩ yaa sẽn na n wĩnig a wẽngã la a sẽn basd vũun wẽns nins nimbuiidã pʋgẽ wã, halɩ tɩ Ṣahaabsã wa tʋg n yeele: d sã n da paam t'a sĩndi: tɩ yaa Nabiyaamã nimbãan-zoεεga, la Ṣahaabsã sẽn leb n kis bũmb ning sẽn namsd Nabiyaamã yĩnga.

Hadeeth benefits

  1. Sẽn be hadiisã yõod pʋgẽ, yaa tɩ zũnuub sẽn tʋg n yɩɩda, yaa lagem-n-taar ne Wẽnde, bala yaa yẽndɑ la a rɩk n ning zũnuub bεdã yãoogẽ, la bala yaa yẽ n leb n yɩɩda, la bũmb ning sẽn kengd rẽ, yaa Wẽnd koεεg sẽn yeele, (A Naam zẽkame): {Ad Wẽnd pɑ bɑsd tɩ loog tɩ b sã n mɑɑn lɑgm-n-tɑɑr ne-A ye, lɑ A yɑɑfdɑ sẽn pɑ tɑ rẽ, A sẽn tʋll ɑ soɑbɑ}.
  2. Roagdb a yiibã hakε zɩslem sẽn ta zĩig ninga, ne Wẽnd sẽn rɩk b yiibã hakε-rãmb n tõk ne Wẽnd hakε wã, (A Naam zẽkame).
  3. Zũnuub-rãmbã, b pʋɩta bεda la bãɑnego, la zũnuub bedrã yẽnda la zũnuub fãa b sẽn rogl namsg a zugu dũni kaanẽ, wala sãri wã maan-n-rolgã, maa kãabgo, maa pʋlen-wẽng n be beenẽ alkiyaoom raare, wala sẽn na n pʋlem t'a soabã kẽeda Bugmẽ, la zũnuub bεdã me yɩɩda taaba, sãnda wẽng yɩɩda sãnda gɩdgrã (Hɑrɑɑmã) wεεngẽ, la sã n yaa zũnuub bãɑnegã yaa sẽn ka ta zũnuub bεdã.