/ Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuubq sẽn reng taoore

Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuubq sẽn reng taoore

Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd tẽn-tʋʋmã -Wẽnd pʋʋsg la A tɩlgr be a yĩng- yeelame: «Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuubq sẽn reng taoore »
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõta kibare Pʋlengã raar yʋng yalsg yel-sõmde, yẽ me la sẽn yɩt Ramadãanã rasem pi-yaoogã pʋgẽ wã, la ned ning sẽn nidg pãnga a pʋgẽ, ne Pʋʋsgo la doaag kosgo la Alkʋrãan karengo, la Wẽnd yʋʋrã tẽegre, t'a yaa sẽn kõ sɩd ne-a la bũmb ning sẽn wa sẽn yaa hadiis-rãmb n wilgd a yɩɩdlemã, n tẽed a tʋʋm-kãngã, Wẽnd yel-sõmdã, ka maan-tɩ-b-yã, ka maan-tɩ-b-wʋme, ad b na n yaafa yẽnda a zunuub nins sẽn da reng taoorã.

Hadeeth benefits

  1. Hadiisã wilgda Laylat Alkadr raar yʋng yɩɩdlemã la a leb n kengd nebã tɩ b yik ne-a.
  2. A wilgdame tɩ tʋʋm sõmbsã ka reegde, sã n ka mikame tɩ Anniy wã yaa sẽn sɩdge.
  3. Hadiisã wilgda Wẽnd kũunã la A yolsgã, rẽnd ned ning sẽn yalsa Laylat Alkadrã, tɩ yaa sɩd-kũun la yel-sõmd tẽebo, b yaafda a zunuubã sẽn da reng taoore.