/ Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare

Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare

Yii a Hawla Al-ansaary nengẽ -Wẽnd yard be a yĩnga- a yeelame: m wʋma Nabiyaamã -Wẽnd pʋʋsg la A tɩlgr be a yĩnga- t'a yetẽ: " Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare".
A Al-Bʋẖaariy n togs-a

Explanation

Nabiyaamã -Wẽnd pʋʋsg la A tɩlgr be a yĩnga- kõo kibare, ned sẽn maan lɩslaambã arzεk pʋgẽ ne zirĩ-beedo, la b yãkd-a tɩ ka tũ ne hakε ye, la wãnda gũbga arzεkã pʋgẽ, sẽn kẽed a tigingã la a baoobã tɩ ka tũ ne halaal ye, la leb n rɩk-a n kẽes zĩig ning sẽn ka sõmb n kẽesã, leb n kẽeda rẽ pʋgẽ kɩɩbsã arzεgs rɩɩbo la wakf (arzεgs nins b rãmb sẽn yãnes tɩ yaa Wẽnd sorã yĩnga) la boablã kɩɩsgo, la reeg tɩ ka tũ ne hakε nebã arzεgsẽ wã, rẽ fãa kẽeda a pʋgẽ. Rẽ poorẽ tɩ Nabiyaamã -Wẽnd pʋʋsg la A tɩlgr be a yĩnga- kõ kibare tɩ bãmbã rãmb rolbo, dũni wã yikr raare, yaa Bugum.

Hadeeth benefits

  1. Ligd ning sẽn be nebã nusẽ wã, yaa Wẽnd arzεka t'A leds-ba a pʋgẽ, tɩ b na rɩk-a n kẽes soy nins pʋgẽ sari wã sẽn ratã, la b zãag zirĩ-beedã maaneg pʋgẽ, la wãnde yaa sẽn gũbg taoor rãmbã la zẽng sẽn ka bãmba, sẽn yaa nebã zãnga.
  2. Yaa sari wã sẽn keng nimbuiidã arzεk pʋgẽ la ned ning sẽn wa n tʋg n lʋɩ a taoore, b na n gεεla a soabã dũni yikr raarã, a sẽn reeg-a wã to-to ningã la a sẽn yãk-a n naf to-to ningã.
  3. Kẽeda pʋleng wẽng-kãngã pʋga ned ning sẽn wa n tʋg n maanda maaneg ning sẽn ka zems ne sari wã arzεk pʋgẽ, zem tɩ yaa yẽ, maa a to arzεka.