/ Ит жана сүрөт бар үйгө периштелер кирбейт

Ит жана сүрөт бар үйгө периштелер кирбейт

Абу Талха (ага Аллах ыраазы болсун) айтат: Пайгамбарыбыз (ага Аллахтын тынчтыгы жана мактоосу болсун) минтип айткан: "Ит жана сүрөт бар үйгө периштелер кирбейт".
Муттафакун алайхи (хадистин ишенимдүүлүгүнө бир ооздон макулдашылган)

Explanation

Пайгамбарыбыз (ага Аллахтын тынчтыгы жана мактоосу болсун) ырайым периштелери ит бар жана жандуулардын сүрөтү илинген үйлөргө кирбестигин кабарлаган. Мунун себеби, жандуу нерселердин сүрөтүн тартуу чоң күнөө. Сүрөт тартуу Аллахтын жаратуучулугун тууроо жана ширк кылууга ортомчу болот. Кээ бир сүрөттөргө сыйынып, ибадат кылгандар бар. Ал эми ит жашаган үйгө периштелердин кирбегенине иттердин ыплас, нажасаттарды жегени жана кээ бир иттердин шайтан деп эсептелгени себеп. Периштелер шайтандын душманы. Ошондой эле иттердин жыты да жагымсыз. Периштелер жагымсыз жытты жактырбайт. Алар андай жерге баруудан тыйылган. Ошондуктан үйүнө ит кармаган адамдар ырайым периштелеринин үйүнө кирүүсүнөн, ага салават айтуусунан, кечирим тилөөсүнөн, береке алып келүүсүнөн жана шайтанды кубалоосунан куру калат.

Hadeeth benefits

  1. Итти аңчылык же кароолчулук үчүн гана кармоого уруксат. Башка максатта ит кармоо арам.
  2. Үйгө жандуу нерселердин сүрөтүн, эстелигин ж.б. коюп алуу периштелерди качыра турган жаман адат. Үйүнө ит кармаган адам сыяктуу эле сүрөт койгон адам да периштелердин көп жакшылыгынан куру калат.
  3. Ит жана сүрөт бар үйгө кирбеген периштелер ырайым периштелери. Ал эми иш-амалдарды жазып туруучу, же өлүм периштеси сыяктуу аткара турган милдеттери бар периштелер мындай үйлөргө деле кире берет.
  4. Жандуу нерселердин сүрөтүн дубалга илип алуу же көрүнөө жерге коюп коюу арам.
  5. Ал-Хаттаабий минтип айткан: Периштелер багууга тыюу салынган ит багылган жана коюуга тыюу салынган сүрөт коюлган үйгө гана кирбейт. Ал эми аңчылык же кароолчулук үчүн ит багылган үйгө же ичине сүрөттүү материал менен капталган төшөк, жаздыктары бар үйлөргө кирүүдөн тыйылган эмес.