/ Аллахтын мүлкүн адилетсиздик менен иштеткен эркектер, алар Кыямат күнү тозокто болушат

Аллахтын мүлкүн адилетсиздик менен иштеткен эркектер, алар Кыямат күнү тозокто болушат

Хавла аль-Ансарийа, радыяллаху анха, риваят кылат: Мен Пайгамбар, саллаллаху алейхи уа саллам, мындай деп айтканын уктум: «Аллахтын мүлкүн адилетсиздик менен иштеткен эркектер, алар Кыямат күнү тозокто болушат».
Бухари жазып калтырган

Explanation

Пайгамбар, саллаллаху алейхи уа саллам, мусулмандардын мал-мүлкүн алдамчылык менен иштетип, аны адилетсиз алып жаткан адамдар жөнүндө айтып жатат. Мунун мааниси мал-мүлктү адал эмес жолдор менен табуу, аларды жыйноо жана туура эмес жерлерге сарптоо жагынан жалпыга тиешелүү. Буга жетимдердин жана вакф фонддорунун акчасын жеп, аманаттарды четке кагуу, коомдук фонддон негизсиз каражаттарды алуу кирет. Андан кийин Пайгамбар, саллаллаху алейхи уа саллам, алардын жазасы Кыямат күнү тозок болорун айтты.

Hadeeth benefits

  1. Адамдардын колундагы мал-мүлк Аллахтын мүлкү. Аллах Таала аны шарият жолу менен сарптоолору жана алдамчылык менен иштетүүдөн сактануулары үчүн адамдарга берди. Бул башчыларга жана алардан башка адамдардын баарына тиешелүү.
  2. Жалпы адамдардын мал-мүлкүнө болгон шарияттын катуу өкүмү. Ким мусулмандардын мал-мүлкүнө башчылык кылса, анда Кыямат күнү аны чогултканы жана сарптаганы үчүн жооп берет.
  3. Бул азапка өзүнүн же башка бирөөнүн мал-мүлкүн шарияттын мыйзамысыз иштеткендер кирет.