پێغەمبەر -صلى اللە علیە وسلم- زەکاتی سەرفیترەی واجب کرد لەسەر هەموو مسوڵمانان (بەخشینی ڕۆژووشکاندن -بەخشینی ڕەمەزان- واجب کرد): ئەوانەی زیاد لە پێویستی خۆیان هەیە لە ڕۆژی جەژندا وبڕەکەى صاعێک (چوار گوێڵ -دوو کیلۆ ونیو بۆ سێ کیلۆ) بۆ یەک کەس، بەخشینی زەکاتى سەرفیترە واجبە لەسەر بچووک وگەورە ونێر ومێ وئازاد وبەندە، کە صاعێک لە خورما یان صاعێک لە جۆ یان هەر خواردنێکی تر لە خواردنی خەڵکی ئەو شارە. بۆ ئەوەی ئەمە ببێتە دڵدانەوە لە لایەن دەوڵەمەندانەوە بەرامبەر هەژاران لە نێو کۆمەڵگەی مسوڵماندا، بۆیە زەکاتی سەرفیترەی واجب کرد، وبەخشینی زەکاتی سەرفیترە واجبە لەسەر گەورەی خێزان یان سەرپەرشتیاری خێزان کە ئەوانەی لە ژێر دەستیدان سەرپەرشتیاریان دەکات وبەخێویان دەکات لە ژن ومنداڵ وخزمەتکار وکۆیلەکان.