نوێژكردن لەنێوان بانگدان وقامەت ؛ سونەتە.
ڕێبازی پێغەمبەر -صلى اللە علیە وسلم- لە دووبارەكردنەوەی قسە، ئەمیش بۆئەوەی خەڵكی زیاتر گوێی لێبێت وبۆ جەختكردنەوە لەسەر گرنگی بابەتەكە.
لە فەرموودەكەدا دەستەواژەی (الأذانين:دووبانگەكە) هاتووە؛ مەبەست لێیان بانگدان وقامەتە، وپێیان دەووترێت (الأذانين:دووبانگەكە) چونكە لە زمانی عەرەبیدا زۆرجار دوو شتی نزیك وهاومانای یەكتر ؛ ناوی یەكێكیان دەووترێت ومەبەست ئەوی تریانیشە، وەكو دەڵێن: (القمرین:دوومانگەكە) ومەبەست لێی (خۆر ومانگە) ودەڵێن: (العُمَرَيْن) مەبەست لێی (ئەبو بەكر وعومەرە).
بانگدان ؛ ڕاگەیاندنی هاتنی كاتی نوێژە، وقامەت كردن ؛ ڕاگەیاندنە بۆ ئامادەبوونی ئەنجامدانی نوێژی جەماعەت.