/ ئەو کەسەی بە سواری دەڕوات سەلام لە پیادە دەکات، وئەوەی پیادەیە سەلام لە دانیشتوو دەكات، وکەم سەلام لە زۆر دەکات

ئەو کەسەی بە سواری دەڕوات سەلام لە پیادە دەکات، وئەوەی پیادەیە سەلام لە دانیشتوو دەكات، وکەم سەلام لە زۆر دەکات

لە ئەبی هوڕەیڕەوە -ڕەزای خوای لێبێت- کە پێغەمبەری خودا -صلى الله علیه وسلم- دەفەرموێت: «ئەو کەسەی بە سواری دەڕوات سەلام لە پیادە دەکات، وئەوەی پیادەیە سەلام لە دانیشتوو دەكات، وکەم سەلام لە زۆر دەکات».
بوخاری و موسلیم هاوڕان لەسەری

شیکردنەوە

پێغەمبەر -صلى اللە علیە وسلم- ڕێنموێنی كردووە بۆ ئەدەبی سەلامكردن لەنێو خەڵكی، ئەوەی بچووكە لە تەمەندا سەلام دەكات لە ئەوەی گەورەیە لە تەمەندا، سواری سەلام لە پیادە دەکات، وئەوەی پیادەیە سەلام لە دانیشتوو دەكات، وژمارەیەكی كەم لە خەڵكی سەلام لە ژمارەی زۆر دەكەن.

Hadeeth benefits

  1. سەلامکردن سونەتە بەو شێوەیەی فەرموودەکە باسیکردووە، ئەگەر پیادە سەلامی لە سواری كرد یان ئەوانی تر بەشێوەیەكی تر ؛ هەمووی ڕێگەپێدراوە، بەڵام پێچەوانەی باشترینە.
  2. بڵاوكردنەوەی سەلامكردن بەو چۆنیەتیەی لە فەرموودەكەدا هاتووە ؛ هۆكاری خۆشەویستی وتەبایی ویەكڕیزییە لەنێوان مسوڵمانان.
  3. ئەگەر هاوتا بن لەوانەی باسكرا، خێرترینیان ئەوەیە سەرەتا سەلام دەكات.
  4. كامڵێتی ئەم شەریعەتە لەڕوانگەی ڕوونكردنەوەی ئەوەی خەڵكی پێویستی پێیەتی.
  5. فێربوونی ئادابەکانى سەلامکردن، ودەبێت هەموو خاوەن مافێک؛ مافی خۆی پێبدرێت.