/ ئەوەی تەمیمەیەک^ هەڵبواسێت؛ ئەوا شیرک وهاوبەشی بۆ خواى گەورە بڕیارداوە

ئەوەی تەمیمەیەک^ هەڵبواسێت؛ ئەوا شیرک وهاوبەشی بۆ خواى گەورە بڕیارداوە

لە عوقبەی کوڕی عامری جوهەنیەوە -ڕەزای خوای لێبێت- دەڵێت: كۆمەڵێك هاتن بۆ لای پێغەمبەری خودا -صلى اللە علیە وسلم-، نۆ كەسیان بەیعەتیان دا وبەیعەتی لە دەیەم وەرنەگرت، ووتیان: ئەی پێغەمبەری خودا، بەیعەتی نۆیانت وەرگرت و وازت لە ئەو هێنا؟ فەرمووی: «تەمیمەی پێوەیە -بەخۆیەوە هەڵیواسیوە-»، پیاوەكەیش دەستی دایە وپچڕانی، بۆیە پێغەمبەر -صلى اللە علیە وسلم- بەیعەتی لێوەرگرت، وفەرمووی: «ئەوەی تەمیمەیەک^ هەڵبواسێت؛ ئەوا شیرک وهاوبەشی بۆ خواى گەورە بڕیارداوە». ^(تەمیمە؛ واتە: کاغەزێکە نووسراوه ودەپێچرێتە ناو شتێك یان شتێكه -چاوەزارێكه- له دەست دەكرێت یان دەكرێته ملەوه یان هەڵدەواسرێت كه پێیان وایه له چاوی پیس وشتی خراپ دەیانپارێزێت)
ئەحمەد گێڕاویەتیەوە

شیکردنەوە

كۆمەڵێك هاتن بۆ لای پێغەمبەری خودا -صلى اللە علیە وسلم-، دە كەس بوون، نۆیان بەیعەتیان دا لەسەر ئیسلام وشوێنكەوتنی، بەڵام بەیعەتی دەیەمی وەرنەگرت، پرسیاری لێكرا سەبارەت بە هۆكارەكەی؛ -صلى اللە علیە وسلم- فەرمووی: تەمیمەی بەخۆیەوە هەڵواسیوە، تەمیمە: پێچراوێکە یان هەڵواسراوێکە لە موروو وشتی تر دروستدەكرێت كه پێیان وایه له چاوپیسی وزیان دەیانپارێزێت. پیاوەكە دەستی برد بۆ شوێنی تەمیمەكە وپچڕانی وفڕێی دا، پاشان پێغەمبەر -صلى اللە علیە وسلم- بەیعەتی لێوەرگرت، وحوكمەكەی ڕوونكردەوە وهۆشداریدا ؛ فەرمووی: «ئەوەی تەمیمەیەک هەڵبواسێت؛ ئەوا شیرک وهاوبەشی بۆ خواى گەورە بڕیارداوە».

Hadeeth benefits

  1. هەرکەسێک تەوەکولی بە جگە لە الله هەبێت، وداواى یارمەتی وبە هانا هاتن لە جگە لە الله بکات؛ ئەوا الله بە پێچەوانەى مەبەستەکەى مامەڵەى لەگەڵدا دەکات.
  2. هەركەسێك باوەڕی وابێت كە هەڵواسینی تەمیمە هۆكارە بۆ دوورخستنەوەی ئازار وچاوپیسی ؛ ئەمە شیركی بچووكە، بەڵام ئەگەر باوەڕی وابێت خودی تەمیمەكە سوودی هەیە یان زیان دوور دەخاتەوە ؛ ئەمە شیركی گەورەیە.