/ کەسی بەهێز ئەوە نییە کە بەهێزە لە زۆرانبازیدا، بەڵکو کەسی بەهێز ئەوەیە کە نەفسی خۆی دەگرێتەوە لە کاتی توڕە بووندا

کەسی بەهێز ئەوە نییە کە بەهێزە لە زۆرانبازیدا، بەڵکو کەسی بەهێز ئەوەیە کە نەفسی خۆی دەگرێتەوە لە کاتی توڕە بووندا

لە ئەبی هوڕەیڕەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «کەسی بەهێز ئەوە نییە کە بەهێزە لە زۆرانبازیدا، بەڵکو کەسی بەهێز ئەوەیە کە نەفسی خۆی دەگرێتەوە لە کاتی توڕە بووندا».
بوخاری و موسلیم هاوڕان لەسەری

شیکردنەوە

پێغەمبەر -صلى اللە علیە وسلم- ئەوەمان بۆ ڕووندەکاتەوە کە هێزی ڕاستەقینە ؛ هێزی لاشە نیە، یان ئەو کەسە نیە کە لەبەهێزەکانى تر دەباتەوە لەزۆرانبازیدا، بەڵکو بەهێزی ئازا ئەوەیە کە جیهادی نەفسی خۆی دەکات وزاڵ دەبێت بەسەریدا کاتێک خەریکە توڕەییەکەى لەجڵەو دەربچێت؛ چونکە ئەمە بەڵگەیە لەسەر ئەوەی زاڵە بەسەر نەفسی خۆی وسەرکەوتووە بەسەر شەیتان.

Hadeeth benefits

  1. فەزڵی لەسەرخۆبوون وزاڵبوون بەسەر نەفسدا لەکاتی توڕەیی، لەو کردەوە چاکانەیە کە ئیسلام ئامۆژگاری سەبارەتی کردووە.
  2. جیهاد وکۆشش کردنی نەفس لە کاتی توڕەییدا سەختتر وناڕەحەتترە لە جیهاد کردنی دوژمن.
  3. ئاینی ئیسلام تێگەیشتنە جاهیلیەکانی گۆڕی سەبارەت بە هێز ؛ هێزی ڕاستەقینەی وا پێناسە کرد کە دەبێتە هۆی بنیات نانی ڕەوشتی بەرز، بۆیە بەهێزترین کەس ئەوەیە کە خۆی بگرێتەوە ونەفسی پەروەردە بکات.
  4. دوورکەوتنەوە لە توڕەیی؛ چونکە دەبێتە هۆی زیان بۆ سەر تاک وکۆمەڵگا.