پێغەمبەر -صلى اللە علیە وسلم- ئاگاداری دەدات سەبارەت بە ئاسانکاری لە سوێند خواردندا وزۆر بەکارهێنانى، ئەمیش بۆ فرۆشتنی شتومەک وبەدەستهێنانى داهاتی زیاتر، چونکە فرۆشیار ئەگەر بە درۆ سوێند لەسەر شتومەکێک بخوات؛ لەوەیە کڕیارەکە گومانى وا بێت کە فرۆشیارەکە ڕاستگۆیە بە نرخێکی زیاتر دەیکرێت ئەمیش بەهۆی سوێندخواردنی فرۆشیارەکەوە، وئەمیش دەبێتە هۆی نەمانەى بەرەکەت لە داهاتى فرۆشیارەکە ولەوەیە سەرمایە ودەستکەوتەکەى تیا بچێت، چونکە ئەوەی لای خواى گەورەیە بە تاوان وسەرپێچی بەدەست ناهێندرێت، وزۆر سوێند خواردن نیشانەى بە مەزندانانى خواى گەورە نییە لە لایەن ئەو بەندەیەوە، وئەمیش پێچەوانەى تەوحیدە (پێچەوانەى یەک خوا پەرستییە).