/ پرسیارم کرد لە پێغەمبەری خودا -صلى اللە علیە وسلم- سەبارەت بە سەیرکردنی لە ناکاو (بۆ ئافرەت)، «فەرمانی پێكردم كە چاوم وەربگێڕم (چاوم لابدەم لە سەیركردنی ئافرەتەکە)...

پرسیارم کرد لە پێغەمبەری خودا -صلى اللە علیە وسلم- سەبارەت بە سەیرکردنی لە ناکاو (بۆ ئافرەت)، «فەرمانی پێكردم كە چاوم وەربگێڕم (چاوم لابدەم لە سەیركردنی ئافرەتەکە)...

لە جەریری كوڕی عبداللەوە -ڕەزای خوای لێبێت- دەڵێت: پرسیارم کرد لە پێغەمبەری خودا -صلى اللە علیە وسلم- سەبارەت بە سەیرکردنی لە ناکاو (بۆ ئافرەت)، «فەرمانی پێكردم كە چاوم وەربگێڕم (چاوم لابدەم لە سەیركردنی ئافرەتەکە)».
موسلیم گێڕاویەتیەوە

شیکردنەوە

جەریری كوڕی عبداللە -ڕەزای خوای لێبێت- پرسیاری لە پێغەمبەر -صلى اللە علیە وسلم- كرد سەبارەت بەوەی پیاو سەیری ئافرەتێكی نامەحرەم دەكات لەناكاو وبە نا ئەنقەست؟ پێغەمبەر -صلى اللە علیە وسلم- فەرمانی پێكرد بەوەی واجبە سەیری لایەكی تر بكات وچاوی لابدات لە سەیركردنی ئافرەتەكە ؛ هەركاتێك دركی پێكرد، وهیچ گوناهێكی لەسەر نییە.

Hadeeth benefits

  1. هاندان وئامۆژگاری بۆ پاراستنی چاو لە ئاست سەیركردنی نامەحرەم.
  2. هۆشداریدان لە بەردەوام بوون لە سەیرکردنی ئەو شتەى سەیر كردنی حەرامکراوە ؛ ئەگەر لەناکاو چاوی کەوتە سەری بە نائەنقەست.
  3. حەرامێتی سەیرکردنی ئافرەتی نامەحرەم حوکمێکی جێگیر بوو لەلای هاوەڵان بە بەڵگەى ئەوەى جەریر -ڕەزاى خواى لێبێت- پرسیاری لە پێغەمبەر -صلى اللە علیە وسلم- کرد: ئەگەر کەسێک چاوی بکەوێتە سەر ئافرەتێک بە نائەنقەست -بێ مەبەست-، ئایا حوکمی وەکو حوکمی ئەو کەسە وایە کە بە ئەنقسەت نەزەر دەکات؟
  4. گرنگیدانى شەریعەت بە بەرژەوەندییەکانى بەندەکان، سەیر كردنی ئافرەتی نامەحرەمی حەرامكردووە چونکە دەبێتە هۆی خراپەی زۆر لە دونیا وبۆ قیامەتیش.
  5. گەڕانەوەى هاوەڵان بۆ لای پێغەمبەر -صلى اللە علیە وسلم- وپرسیار لێکردنی سەبارەت بەو شتەى ناڕوونە لەلایان، ودەبێت خەڵکی بەم شێوەیە بن وبگەڕێنەوە بۆ لای زانایان وپرسیاریان لێبکەن سەبارەت بەو بابەت ومەسەلانەى ڕوون نییە لەلایان ولێی تێناگەن.