خوای گەورە دوو ڕۆژی جەژنی داناوە بۆ مسوڵمانان، وهەریەکێکیان بەستراوەتەوە بە دروشمێکی (ڕێوڕەسمێکی) ئاینی، ڕۆژی یەکەمی جەژنی ڕەمەزان (ڕۆژی ڕۆژووشکاندن) پەیوەندی هەیە بە تەواو بوونی ڕۆژووگرتنەوە، بۆیە واجبە لەسەر مسوڵمان کە ئەم ڕۆژە ڕۆژوو بشکێنێت وەکو سوپاسگوزاریەک بۆ خوای گەورە لەسەر تەواو بوونی ئەم نیعمەتی ڕۆژووگرتنەوە و وەکو دەربڕینی نیعمەتی ڕۆژووشکاندن کە خوای گەورە فەرمانی پێکردووە لە پاشان تەواو بوونی یەک مانگ لە ڕۆژووگرتن، خوای گەورە دەفەرموێت: {وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ} [البقرة: 185] واته: {تا مانگەکە (ڕۆژوو بگرن) بەتەواوی وبە گەورە ناوی خوا بەرن لەسەر ئەو ڕێنموێنیەی کە کردوونی وتا سوپاسی (خوا) بکەن}.