ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಇಲ್ಲಿ ವಿವರಿಸುವುದೇನೆಂದರೆ, ಸತ್ಯವಿಶ್ವಾಸಿಗಳ ಹೊರತು ಬೇರಾರೂ ಸ್ವರ್ಗವನ್ನು ಪ್ರವೇಶಿಸುವುದಿಲ್ಲ, ಮುಸಲ್ಮಾನರು ಪರಸ್ಪರ ಪ್ರೀತಿಸುವ ತನಕ ಅವರ ವಿಶ್ವಾಸವು ಪೂರ್ಣವಾಗುವುದಿಲ್ಲ ಮತ್ತು ಮುಸ್ಲಿಂ ಸಮಾಜದ ಸ್ಥಿತಿಯು ಸುಧಾರಿಸುವುದಿಲ್ಲ. ನಂತರ, ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಪ್ರೀತಿಯು ವ್ಯಾಪಕವಾಗುವ ಒಂದು ಶ್ರೇಷ್ಠ ಸಂಗತಿಯನ್ನು ಸೂಚಿಸಿದರು. ಅದೇನೆಂದರೆ, ಮುಸಲ್ಮಾನರ ನಡುವೆ ಸಲಾಂ ಹೇಳುವುದನ್ನು ವ್ಯಾಪಕಗೊಳಿಸುವುದು. ಸಲಾಂ ಅಲ್ಲಾಹು ಅವನ ದಾಸರಿಗೆ ನಿಶ್ಚಯಿಸಿದ ಶುಭಾಶಯವಾಗಿದೆ.