/ “វិនាសអន្ដរាយហើយអ្នកដែលធ្វើអ្វីៗជ្រុលហួសហេតុ

“វិនាសអន្ដរាយហើយអ្នកដែលធ្វើអ្វីៗជ្រុលហួសហេតុ

អំពី អាប់ទុលឡោះ ពិន ម៉ាស្អ៊ូទ បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖ “វិនាសអន្ដរាយហើយអ្នកដែលធ្វើអ្វីៗជ្រុលហួសហេតុ”។ លោកបានមានប្រសាសន៍ដូចនេះចំនួនបីដង។

Explanation

ណាពី ﷺ លោកបានប្រាប់ពីភាពបរាជ័យ និងការខាតបង់ចំពោះពួកដែលជ្រុលនិយម(ខុសពីការចង្អុលបង្ហាញ និងចំណេះដឹង)ទាំងចំពោះសាសនានិងជីវិតលោកិយរបស់ពួកគេ ទាំងចំពោះពាក្យសម្ដីនិងទង្វើរបស់ពួកគេ ដោយបំពានលើព្រំដែននៃច្បាប់កំណត់ដែលបាននាំមកដោយណាពី ﷺ។

Hadeeth benefits

  1. ហាមឃាត់ពីភាពជ្រុលនិយមនិងតឹងរឹងហួសហេតុក្នុងគ្រប់កិច្ចការទាំងអស់ ហើយជំរុញឲ្យជៀសវាងភាពជ្រុលនិយមនេះក្នុងគ្រប់បញ្ហាទាំងអស់ ជាពិសេសក្នុងការគោរពសក្ការៈ និងការលើកតម្កើងចំពោះកុសលបុគ្គលទាំងឡាយ។
  2. ការស្វែងរកភាពពេញលេញក្នុងការគោរពសក្ការៈ និងចំពោះកិច្ចការផ្សេងៗទៀត គឺជាទង្វើដែលគួរឲ្យសរសើរ ហើយត្រូវធ្វើទៅតាមអ្វីដែលច្បាប់អ៊ីស្លាមបានចែង។
  3. គប្បីបញ្ជាក់ និងសង្កត់ធ្ងន់លើរឿងដែលសំខាន់ ព្រោះណាពី ﷺ លោកបានបញ្ជាក់សាឡើងវិញដដែលៗនូវឃ្លាខាងលើនេះចំនួនបីដង។
  4. ការអត់ឱន និងភាពងាយស្រួលនៃសាសនាអ៊ីស្លាម។