ណាពី ﷺ លោកបានប្រាប់ថា មនុស្សដែលផ្សារភ្ជាប់ចំណងសាច់សាលោហិតនិងធ្វើល្អចំពោះញាតិសន្តានពេញលេញនោះ ពុំមែនជាអ្នកដែលតបតចំពោះប្រការល្អដោយប្រការល្អនោះឡើយ។ ផ្ទុយទៅវិញ មនុស្សដែលផ្សារភ្ជាប់ចំណងសាច់សាលោហិតយ៉ាងពេញលេញពិតប្រាកដ គឺអ្នកដែលបើទោះជាសាច់ញាតិរបស់គាត់កាត់ផ្តាច់ចំណងសាច់សាលោហិតពីគាត់ ក៏គាត់នៅតែរក្សាចំណងសាច់សាលោហិតជាមួយពួកគេដដែល ទោះជាពួកគេធ្វើអាក្រក់ដាក់គាត់ក៏ដោយ គឺគាត់ឆ្លើយតប និងតបតទៅកាន់ពួកគេវិញដោយប្រការដែលល្អ។