ალლაჰის მოციქული (ალლაჰის ლოცვა და მშვიდობა მას) გვამცნობს პარასკევის ლოცვაზე ადრე წასვლის მნიშვნელობასა და ღირსებაზე, და პარასკევის ლოცვაზე ადრე წასვლა იწყება მზის ამოსვლისთანავე და გრძელდება იმამის მოსვლამდე; ეს დრო შეადგენს ხუთ საათს და იყოფა ხუთ ნაწილად, მზის ამოსვლიდან იმამის შემოსვლამდე და მისი მემბარზე ასვლამდე ქადაგების დასაწყებად. პირველი: ვინც გააკეთებს სრულფასოვან განბანვას, როგორც ჯუნუბის განბანვა, შემდეგ კი წავა პარასკევის მეჩეთში პირველ საათში, ეს იქნება ისე, თითქოს მან გაიღო აქლემი სადაყისთვის. მეორე: ვინც წავა მეორე საათში, ეს იქნება ისე, თითქოს მან გაიღო ძროხა სადაყისთვის. მესამე: ვინც წავა მესამე საათში, ეს იქნება ისე, თითქოს მან გაიღო ცხვრის რქებიანი მამრი (ყოჩი)სადაყისთვის. მეოთხე: ვინც წავა მეოთხე საათში, ეს იქნება ისე, თითქოს მან გაიღო ქათამი სადაყისთვის. მეხუთე: ვინც წავა მეხუთე საათში, ეს იქნება ისე, თითქოს მან გაიღო კვერცხი სადაყისთვის. როდესაც იმამი გამოდის ქადაგებისთვის, მეჩეთის კარებთან მყოფი ანგელოზები, რომლებიც პირველად შემოსულთა აღრიცხვას აწარმოებენ, წყვეტენ წერას და მოდიან ქადაგების და ზიქრის მოსასმენად.