შუამავალმა (ალლაჰის ლოცვა და მშვიდობა მას) განმარტა სისუფთავის ზოგიერთი წესი, ესენია: პირველი: ის, ვინც ასრულებს განბანვას, უნდა ჩაისუნთქოს წყალი ცხვირით და შემდეგ ისევ ცხვირით ამოისუნთქოს იგი. მეორე: ის, ვისაც სურს განიწმინდოს საჭიროების დაკმაყოფილების შემდეგ წყლის გამოყენების გარეშე, ქვების ან მსგავსი ნივთების დახმარებით, უნდა გააკეთოს ეს კენტი რაოდენობით, მინიმუმ — სამჯერ. რაც შეეხება მაქსიმუმს, მან უნდა განაგრძოს მანამ, სანამ სიბინძურე არ გაქრება და ადგილი სრულად არ გასუფთავდება. მესამე: ის, ვინც ღამის ძილის შემდეგ იღვიძებს, არ უნდა ჩაუშვას ხელის მტევნები წყლის ჭურჭელში განბანვისთვის, სანამ არ დაიბანს მათ სამჯერ ამ ჭურჭლის მიღმა. ეს იმიტომ, რომ მან არ იცის, სად იმყოფებოდა მისი ხელები ძილის დროს. იგი არ არის დაცული იმისგან, რომ ხელები არ ყოფილიყო დაბინძურებული. შესაძლოა, შაიტანმა მოახერხა, რომ მათზე აღმოჩნდეს რაღაც, რაც ზიანს აყენებს ადამიანს ან აბინძურებს წყალს.