ალლაჰის შუამავალმა (ალლაჰის ლოცვა და მშვიდობა მას) მაგალითად მოიტანა ალლაჰის საზღვრების დამცავი და მისი ბრძანებების შემსრულებელი საზოგადოება, რომლებიც მოუწოდებენ სიკეთეს და კრძალავენ მოუწონარს. ასევე, მოციქულმა (ალლაჰის ლოცვა და მშვიდობა მას) მოიყვანა მაგალითი მათ შესახებ, ვინც არღვევს ალლაჰის მიერ დაწესებულ საზღვრებს, ტოვებს კეთილ საქმეებს და ჩადის ბოროტებას, და როგორ აისახება ეს საზოგადოების გადარჩენაზე. ეს მაგალითი მსგავსია ადამიანთა ჯგუფისა, რომლებიც მიცურავენ გემით და წილისყრით გაანაწილეს ადგილები: ვინ იქნება ზემოთ და ვინ ქვემოთ. ისინი, ვინც აღმოჩნდნენ გემის ქვემოთ, როცა წყლის აღება სჭირდებოდათ, გადიოდნენ ზემოთ მყოფების გავლით. ქვედა გემბანზე მყოფებმა თქვეს: "თუ ჩვენ გავაკეთებთ ხვრელს გემის ძირში, რომ წყალი ავიღოთ, ზემოთ მყოფებს არ შევაწუხებთ". თუმცა, თუ ზემოთ მყოფები მისცემდნენ მათ ამის ნებას, გემი ჩაიძირებოდა ყველასთან ერთად. ხოლო თუ ისინი ხელს შეუშლიდნენ მათ ამის გაკეთებაში, ყველა გადარჩებოდა.