/ Wadannan wasu mutane ne idan bawa na gari ya mutu daga cikinsu, ko kuma mutumin kirki, sai su gina masallaci akan kabarinsa

Wadannan wasu mutane ne idan bawa na gari ya mutu daga cikinsu, ko kuma mutumin kirki, sai su gina masallaci akan kabarinsa

Daga Nana Aisha Uwar Muminai - Allah ya yarda da ita -: Cewa Ummu Salama ta gayawa Annabi - tsira da amincin Allah su tabbata agare shi - cewa ta ga wata coci a kasar Habasha, ana kiranta Mariya, sai ta fadi duk abubuwan da ta gani a can na Hotuna, sai Manzon Allah - tsira da amincin Allah su tabbata agare shi - ya ce: "Wadannan wasu mutane ne idan bawa na gari ya mutu daga cikinsu, ko kuma mutumin kirki, sai su gina masallaci akan kabarinsa, kuma su yi masa wadannan hotunan, wadannan su ne ashararen mutane a wajen Allah".
Bukhari da Muslim suka Rawaito shi

Bayani

Uwar muminai Ummu Salama - Allah Ya yarda da ita - ta fadawa Annabi - tsira da amincin Allah su tabbata agare shi - cewa ta kasance a kasar Habasha ta ga wata coci - ana ce mata Mariya - a cikinta akwai hotuna da kawace- kawace da zane-zane; dan mamaki daga hakan! Sai Annabi - tsira da amincin Allah su tabbata agare shi - ya bayyana dalilan sanya wadannan hotunan; Sai ya ce: Wadannan wadanda kike fada sun kasance idan mutum nagari ya mutu a cikinsu, sai su gina masallaci akan kabarinsa suna sallah a cikinsa, su kuma zazzana wadancan hotunan, ya bayyana cewa mai aikata wancan shi ne mafi sharrin halitta a wurin Allah - Madaukakin sarki -; domin aikata shi yana kaiwa zuwa shirka da Allah - Madaukakin sarki -.

Hadeeth benefits

  1. Haramcin gina masallaci akan kabari, ko sallah a wurinsu, ko binne matattu a cikin masallaci; dan toshe kafa zuwa ga shirka.
  2. Gina masallaci akan kaburbura, da kafa hotuna a cikinsu, aikin yahudawa ne da kiristoci, kuma wanda ya aikata hakan, to hakika ya yi kamanceceniya da su.
  3. Haramcin rikon hotuna na masu rayuka.
  4. Wanda ya gina masallaci akan kabari ya kuma zana hotuna a cikinsa, to shi yana daga mafi sharrin halittar Allah - Madaukakin sarki -.
  5. Tsarewar da shari'a ta yi ga jinabin Tauhidi cikakkiyar tsarewa, ta hanyar toshe dukkanin hanyoyin da zasu kai zuwa ga shirka.
  6. Hani daga wuce gona da iri a salihai; domin cewa shi hanya ce ta fadawa cikin shirka.