/ Wotee nguttee kam hono no Annasaara en nguttirno Ɓiy Maryama; miin ko mi maccuɗo Makko ,mbi'ee: Maccuɗo Alla e Nelaaɗo Makko

Wotee nguttee kam hono no Annasaara en nguttirno Ɓiy Maryama; miin ko mi maccuɗo Makko ,mbi'ee: Maccuɗo Alla e Nelaaɗo Makko

Ittaama e Umari Ibnul Khaɗɗaab yo Alla wele mbo(yo allah yardo he makko)wii: Mi nanii Nelaaɗo ina maaka: " Wotee nguttee kam hono no Annasaara en nguttirno Ɓiy Maryama; miin ko mi maccuɗo Makko ,mbi'ee: Maccuɗo Alla e Nelaaɗo Makko".
رواه البخاري

Sarhu on

Annabi ina haɗa yawtude keerol sariyankeewol ko faati e mantude mbo e sifaraade mbo sifaaji Alla e golle mum keeriiɗe, wollo wonde hombo anndi mbirniindi wollo noddide e Alla, hono nono Annasaara en mbaɗduno e Iisa yo kisal won e makko. Refti o ɓanngini wonde ko o maccuɗo Alla, o yamiri nde mbi'aten mbo: maccuɗo Alla e Nelaaɗo makko.

Hadeeth benefits

  1. Reentinde mawningol e mantugol jawtungol keerol sariyankeewol; sabu ɗuum ina yottina e sirku.
  2. Ko Nelaaɗo reentinno ko yanii e ngol leñol, fedde goo fantini e Nelaaɗo, wonnde nde fantini e ɓesngu Nelaaɗo, woɗɓe goo e waliyaaɓe, ɓe njani e sirku.
  3. Nelaaɗo sifariima hoore bmakko wonde ko o maccuɗo Alla; ngam o hollo ko Alla jeyi mbo dagantaako nde o tottote e geɗe ɗe Alla heerori.
  4. Nelaaɗo sifariima hoore makko wonde ko o nelaaɗo Alla; ngam o hollira (owangina)wonde ko o Nelaaɗo ummorde ka Alla ina waɗɗii gooŋɗinde mbo e sukkude (tukkude)e makko.