/ si a yi'ii ɓeen rewooɓe ko firo mum laaɓtaani ko ɓeen woni ɓe Aalla inni, reento ɓe

si a yi'ii ɓeen rewooɓe ko firo mum laaɓtaani ko ɓeen woni ɓe Aalla inni, reento ɓe

Ittaama e Aa'isa yo Alla wele mbo( yo alla yardo he makko): Nelaaɗo yo jam e kisal won e mum janngii o aaya" ko oon woni tellinɗo e ma deftere honde waɗi aayeeje laaɓtuɗe firo ko ɗeen ngoni Ummul kitaab e goɗɗe nannduɗe tawi ko ɓeen ɓe woni e ɓerɗe maɓɓe ooñaare ɓe ndewata ko nannduɗe ɗe ngam ɗaɓɓude fitina e ɗaɓɓude taawilde ɗe, alah gannduɗo taawiil majje si wonah Alla, e ñiiɓɓe e ganndal hoɓe mbi'a min ngooŋɗanii ɗum fof mum ummii ko ka Joomiraaɗo siftortah si wonah jom en hakkillaaji" ' Aali Imraana:è' Aa'isa wii: Nelaaɗo maaki: si a yi'ii ɓeen rewooɓe ko firo mum laaɓtaani ko ɓeen woni ɓe Aalla inni, reento ɓe".
متفق عليه

Sarhu on

Nelaaɗo Alla janngii o aaya: " Oon woni tellinɗo e ma deftere ina e hende aayeeje Muhkamaat ɗeen ngoni neene mum deftere e goɗɗe nannduɗe maana tawi ko ɓeen ɓe wooñaare woni e ɓerɗe maɓɓe ɓe ndewata ko nannduɗe ɗe ngam ɗaɓɓude fitina e ɗaɓɓude taawiil majje, alah gannduɗo taawiil majje si wonah Alla e ñiiɓɓe e ganndal hoɓe mbi'a min ngooŋɗanii ɗum fof ko e Joom amen ummi siftortah si wonah jom en hakkillaaji", ina e heɗe kabrugol Alla wonde ko kaŋko woni ko tellini e Annabi Makko Quraana, baɗɗo aayeeje laaɓtuɗe daliil ɗe ngalah ko jiɓii, ko ɗeen ngoni asli deftere nde e ruttorde, ɗeen ngoni ruttorde saanga luural, ina toon kadi aayeeje goɗɗe baɗɗe ko ɓuri maana,ina jiɓo e yogo e yimɓe anndude maana mum,wollo ɓe cikko ina luural hakkunde ɗe aayeeje e ɗe Muhkamaat ɗe, refti Alla feññini gollondiral yimɓe e ɗe aayeeje ɓeen ɓe ɓerɗe maɓɓe ngooñi ɓe ndewata ko e aayeeje Mutassbihaat ɓe ngacca laaɓtuɗe maana, ɓe ɗaɓɓirta ɗuum ko iirtude fitinaaji e majjinde yimɓe, e firdude ɗum ko yaadi e belaaɗe maɓɓe, tawi ko tabitɓe ɓe e ganndal ɓeen hoɓe nganndi ɗe nannduɗe, ɓe ndutta ɗum e Muhkamaat ɓe ngooŋɗina wonde fof koto Alla ummii, ɗe mbaawatah luurude, kono waawatah siftorde annda ɗum, si wonah jom en hakkillaaji kisɗi, refti Nelaaɗo maakani Aaysata si o yi'i ɓeen sukkuɓe e nannduɗe ɗe yo o anndu ko ɓeen Alla i reento ɓe woto heɗo ɓnni e aaya:"tawi ko ɓeen ɓe ɓerɗe maɓɓe mngooñi" reeno ɓe woto heɗo ɓe.

Hadeeth benefits

  1. Aayeeje Quraana ganndiraaɗe Al muhakkam: ngoni ɗe dallillaaji majje laaɓti maana mum laaɓi, tawi ko nannduɗe: ko baawɗe wonde maanaaji ceertuɗi katajinɗe e ndaartindaade e fahmu.
  2. Reentinde jillandirde e yimɓe wooñaare e ɓe bidaaji e ngaddoowo jiɓuyaaji ngam majjinde yimɓe e sikki sikkinde ɓe.
  3. E sakket Aaya he e daalol Alla: " siftortaa ɗum si wonah jom en hakkillaaji" ko mallude wooñiiɓe, e mantude ñiiɓɓe e ganndal, faanda heen: kala mbo siftaraani waactaaki, o rewi e belaaɗe makko jeyaaka e jom en hakkillaaji.
  4. rewde e nannduɗe ko sabaabu wooñaade ɓernde.
  5. Waɗɗaade ruttude aayeeje ɗe laaɓtaani maana faade e aayeeje laaɓtuɗe maana.
  6. Alla waɗii yogo e Quraana ko ko laaɓti maana goɗɗe ɗe noon ko nannduɗe ɗe laaɓtaani firo majje; ɗum ko ɓetde yimɓe ngam faltaade yimɓe iimaan e yimɓe majjere.
  7. yande aayeeje ɗe laaɓtaani firo e Quraana: ko hollirde ɓural annduɓe, e holirde ŋakkude hakkillaaji; haa ɗi njebbilo e Joom majji ɗi jaɓa roŋkere majji.
  8. Ɓural ñiiɓde e ganndal e waɗɗaade tabitde nder hengal.
  9. woodanii tafsirooɓe daraade e "Allaahu" e daalol makko:" anndah firo majje si wonah Alla e ñiiɓɓe e ganndal" konnguɗi ɗiɗi, dariiɗo e -Allaahu-,faanda e taawiil ko ganndal tigi tigi e ngonko maggal alah baawɗo haqiiqa mum hono anndude ruuhue darngo ɗuum ko Alla tan heerori ɗum, ñiiɓɓe e ganndal hoɓe ngooŋɗini ɗuum haqiiqa majjum ruttee e Alla, oon jokkuɗo o daraaki e -Alla-faande e taawiil ko firde e huñcude e laɓɓinde, Alla ina anndi ɗuum ko noon kadi ñiiɓɓe ganndal kadi ina nganndi ɗuum, ɓe ngooŋɗina ɗuum ɓe ndutta ɗum faade e aayeede Muhakkam.