/ mbela hoɗon nganndi ko Joom mon daali?" ɓe mbii: ko Alla e Nelaaɗo mum ɓuri anndude, O maaki: " fini e jiyaaɓe Am gooŋɗin ɓe Mi e yedduɓe Mi

mbela hoɗon nganndi ko Joom mon daali?" ɓe mbii: ko Alla e Nelaaɗo mum ɓuri anndude, O maaki: " fini e jiyaaɓe Am gooŋɗin ɓe Mi e yedduɓe Mi

Ittaama e Jeydu Ibnu Khaalid Al Juhaniyyi yo Alla wele mbo o wii:(yo allah yardo he makko) Nelaaɗo yo jam e kisal won e makko juulnii amen juulde subaka ka pottal Hudaybiyya caggal de toɓno jemma, nde o firlati faade e amen o maaki: mbela hoɗon nganndi ko Joom mon daali?" ɓe mbii: ko Alla e Nelaaɗo mum ɓuri anndude, O maaki: " fini e jiyaaɓe Am gooŋɗin ɓe Mi e yedduɓe Mi, tawi ko oon biiɗo min toɓra ko e ɓural yurmeen- nde Alla, oon ko gooŋɗinɗo Mi ko o jedduɗo koode, tawi ko oon biiɗo min toɓira ko sabu hoodere maaniire wollo maaniire, oon ko jedduɗo Mi ko gooŋɗinɗo hooere".
متفق عليه

Sarhu on

Nelaaɗo juulii subaka ka Hudaybiyya- ɗuum ko wuro ɓadiingo Makka- caggal toɓo e oon jemmo. Nde o silmini o gasni juulde o hucciti e yimɓe, o naaɓniiɓe: mbela hoɗon nganndi ko Joom mon tedduɗo O daali? Ɓe njaabii mbo ko Alla e Nelaaɗo makko ɓuri anndude. O maaki: Alla toowɗo O hollari yimɓe ina peccii pecce ɗiɗi saanga tellagol toɓo, heen feccere ina gooŋɗini Alla toowɗo O, e feccere woɗnde yeddunde Alla; Tawi ko oon biiɗo: en toɓraama ngam ɓural e yurmeende Alla, o askini tellaade toɓo faade e Alla, oon woni gooŋɗinɗo Alla tagɗo pirlittooɗo e winndere he, oon ko jedduɗo hoodere. Tawi ko oon biiɗo toɓiraɗen ko hoodere kaja wollo hoodere maaniire; oon ko jedduɗo Alla, ko o gooŋɗinɗo hoodere, ɗuum ko keefereegal tokosal tawde o askitini toɓo ngo e hoodere; Alla noon waɗaani ɗuum sababu sariyanke wollo hoddiro. Tawi ko oon duttuɗo tellagol toɓo e jol jole leydi wollo e dillugol koode saango ƴellitagol majje e jangol majje o fiɓi ko kanje goni golluɗo tigi haa toɓo ngo telli, oon ko keefeero keefaraagu manngu.

Hadeeth benefits

  1. Yiɗeede wiyeede caggal tellagol toɓo: Min toɓra ko e ɓural Alla e yurmeende makko.
  2. Kala duttuɗo neemo tellaade toɓo e ko wonah ɗuum faade e hoodere takgol e goodnugol oon ko jedduɗo Alla jeddugol manngol, si askatini ɗum e sabaabu oon ko o jedduɗo jeddugol tokosol sabu ɗum wonah sabaabu sariya wollo tinaaɗo.
  3. Neema ina wona sabaabu jeddugol si ko mbo yeddiraama, hombo wona sabaabu iimaan si mbo yettiraama.
  4. Haɗeede wiide:" min toɓra ko hoodere kaja wollo hoodere kaja", hay si woni o faandi heen ko yonto; sabu sukkude dame sirku.
  5. Waɗɗaade yowitaade ɓernde e Alla ko faati e fooɗde neemaaji e duñde leɓte e loruuji.