/ njottinanee kam hay si ko aaya, kaale e Banii Israa'iil bakkaat alah heen, kala penɗo e am hombo teyi yo won e jonnde makko ka yiite

njottinanee kam hay si ko aaya, kaale e Banii Israa'iil bakkaat alah heen, kala penɗo e am hombo teyi yo won e jonnde makko ka yiite

Ittaama e Abdullaahi Ɓiy Amru yo Alla wele ɓe wonde Annabi yo jam e kisal ngon e makko maaki: " njottinanee kam hay si ko aaya, kaale e Banii Israa'iil bakkaat alah heen, kala penɗo e am hombo teyi yo won e jonnde makko ka yiite".
رواه البخاري

Sarhu on

Annabi ina yamira yottinande mbo ganndal ummingal e Quraana e Sunna, hay si ko seeɗa hono aaya Quraana wollo hadiis gooto, e sarɗi tawa jottinoowo o ina anndi ko o yottinta ko e ko o noddata ko. Refti Nelaaɗo yo jam e kisal ngon e makko ɓanngini bonaani yeewtude e Banii Israa'iil ko jolaniɓe ko e joljole tawde ɗum luutndaaki sariya men. Refti o reentini fende e makko, kala penɗo e makko hombo teyi yo nanngu galle makko ka yiite.

Hadeeth benefits

  1. Reerɗinde e yottinde sariya Alla o, ina fawii e neɗɗo tottirde ko o reeni e ko o faami ko hay si ɗum wonii seeɗa.
  2. Waɗɗaade ɗaɓɓude ganndal sari; haa joom mum waawa rewde Alla o yottina sariya makko o e mbaadi cellundi.
  3. Waɗɗaade yananeede sellude kala hadiis ko adii nde joom mum yottinta mbo wollo o sara mbo sabu reentaade yande e fodoore sattunde.
  4. Hirjinde e haalde goongo e reentaade e hadiis, haa o waasa yande e fenaande, haa teeŋti e sariya Alla Mawɗo O.