/ Pellet worɓe ñaamooɓe jawɗe Alla ko aldah e goongo, yiite woodaniiɓe ñande darngo

Pellet worɓe ñaamooɓe jawɗe Alla ko aldah e goongo, yiite woodaniiɓe ñande darngo

Ittaama e Khawlata Ansaariyaŋke yo Alla wele ɓe wiide : mi nanii Annabi yo jam e kisal ngon e makko ina maaka:(ina wii a). " Pellet worɓe ñaamooɓe jawɗe Alla ko aldah e goongo, yiite woodaniiɓe ñande darngo".
رواه البخاري

Sarhu on

Annabi yo jam e kisal ngon e makko habrii yimɓe firlittooɓe e jawdi juulɓe e meere, ɓe nannga ndi ko aldah e goongo, ɗum ko maana kuuɓtadinɗo e jawdi ko faati e renndinde ndi e faggaade ndi ko aldah ko dagi, e nafqude ndi ɗo wonah nokku mum celluɗo, ina naati e ɗuum ñaamde jawdi alyatiima e jawdi Waqfu e jamfaade desnde e ƴettude jawɗe dentaaɗe e mbaadi ndi wonah goongo. Refti Annabi yo jam e kisal ngon e mqkko habri wonde njoɓdi ɓe ko naatde jaynge ñande darngo.

Hadeeth benefits

  1. Jawdi ngonndi e juuɗe yimɓe ko jawdi Alla, ko Kaŋko lomtaniɓe ngam ɓe nafqa ɗum e laabi sariyankooji, ɓe ndeento firlitaade e hendi e mbaadi meere, ɗum ina huɓtadini laamiiɓe e laamaaɓe.
  2. Sariya ina sattini e jawdi ndenndaandi, kala desndaaɗo heen huunde ma o naaɓne ɗum ñande darngo ɗo o itti ɗum e ɗo o nafqi ɗum.
  3. Ina naati e nde fodoore hulɓaniinde kala pirlitagol ngol yaadaani e sariya e nder jawdi foti ko jawdi mum wollo ko jawdi goɗɗo.