Má foyi tɛ yen fo Ala Kira tun b'o fɔ a ka salamu bila kɔfɛ seli farida duuru bɛɛ kɔfɛ ni nin Alakosuma belebele n ye, a kɔrɔ: " Má foyi tɛ yen fo Ala "o kɔrɔ bàtomá foyi tɛ yen fo Ala. "A kelen do diɲɛɲɔgɔn t'a la" o kɔrɔ: diɲɛɲɔgɔn t'a la a ka Alaya n'a ka tìgiya la, a n'a tɔgɔw n'a mankutuw la. "Màsaya y'a ta ye" o kɔrɔ: màsaya dafalen wàsalen y'a ta ye, sankolo ni dugukolo tìgi ani min b'olu fila ni ɲɔgɔncɛ. "Tànu y'a ta ye" o kɔrɔ: a le de mankutulen ni dafalenya dafalen ye, a tanulen ni dafalenya ye tànu ni bonya la lahalaya bɛɛ la, nɔgɔya ni tɔɔrɔ la. "Sé bɛ a le de ye fɛn bɛɛ kan" a ka sé dafalen do a tiimɛlen sira bɛɛ kan, foyi t'a kɛɲɛ, koɲɛ foyi tɛ sɛ k'a bàli ka bɔ koɲɛw la. "Sé ni dàbali tɛ mɔgɔ si ye fo Ala" o kɔrɔ: yɛlɛmali tɛ yen ka bɔ lahalaya dɔ la ka taa dɔ la, ani ka bɔ Alasɔsɔ la ka taa a bàtoli la, ani fanga, fo n'a kɛra Ala ye, a le de ye dɛmɛ kɛ baa ye wa sɛmɛli bɛ kɛ a le de la. " Má foyi tɛ yen fo Ala, an tɛ dɔwɛrɛ bàto n'a le tɛ": o ye Alaya fɔli de ye k'a gɛlɛya ani filaninkafɔya nankarili, ani ko fɛn foyi man kan ni bàto ye fo a le. " nɛɛma ni fusamanciya b'a ye" a le de bɛ nɛɛma dan a bɛ kɛ a le de bolo, a b'a di a ka jɔnw ma minnu y'a diya. " Tànu ɲuman b'a ye": a yɛrɛ n'a mankutu n'a ka kɛwale la a n'a ka nɛɛma, ani lahalaya bɛɛ. " tìgi foyi tɛ yen fo Ala, an ŋaniya kalasilen a ye diinɛ la" o kɔrɔ an b'a kɛ kelen ye, yɛrɛyira ni tɔgɔɲini tɛ Alabato la. " hali n'o ma diya kafiriw ye" o kɔrɔ: an sàbàtilen Alakelenbantiya kan an'a bàtoli hali n'o ma diya kafiriw ye.