/ silamɛya ye :i ka Seereya k'a fɔ má foyi tɛ yen fo Ala,Mamadu y'a ka ciden ye., i ka seli jɔ, ka jaka di, ka sunkalo Sun, ka hiji n'a sé kɛra i ye

silamɛya ye :i ka Seereya k'a fɔ má foyi tɛ yen fo Ala,Mamadu y'a ka ciden ye., i ka seli jɔ, ka jaka di, ka sunkalo Sun, ka hiji n'a sé kɛra i ye

A minɛna Umaru la Ala diɲɛna a ma a ko: ka anw sigilen to kira kɛrɛfɛ nɛɛma ni kisi bɛ a ye don dɔ, finijɛman pasipasi tigi dɔ nana an ma,a kunsigi finen kirikiri, taama nɔ tɛ dɔn a la, wa mɔɔ si t'a dɔn anw cɛla,f'a sigira kira kɛrɛfɛ nɛɛma ni kisi bɛ a ye, a y'a kunberekun sɛmɛ kira ta la. K'a tigɛkan fila da kira woro kan,a ko: yaa Muhamad n kibaruya silamɛya ye mun ye?, kira ko a ma:<< silamɛya ye :i ka Seereya k'a fɔ má foyi tɛ yen fo Ala,Mamadu y'a ka ciden ye., i ka seli jɔ, ka jaka di, ka sunkalo Sun, ka hiji n'a sé kɛra i ye>> a ko:<<i ye tuɲa fɔ>>, an kabakoyara a la a b'a ɲininka ka tila k'a tiɲɛtigiya, a ko :<<n kibaruya limaniya la >> kira ko <<i ka limaniya Ala la, an'a ka mɛlɛkɛw,an'a ka gafew, an'a ka cidenw,ani don laban, ani latigɛ; a hɛɛrɛma ni a hɛɛrɛtan >> a ko: tìɲɛ do a ko << n kibaruya ɲumanya la>> kira ko:<< i ka Ala bàto i n'a fɔ i ɲɛ b'a la, ni i ɲɛ tɛ a la a le ɲɛ b'i la>> a ko << n kibaruya duniya banwaati la>>, kira ko:<<ɲininkalilen t'o dɔn kumatɛ ɲininkalila ma>> a ko: <<n kibaruya a taamasiyɛnw la>> kira ko<<jɔnmuso k'a matigi wolo, i ka bagangɛnna fantan senangolo finintan ye ka sojanw jɔ >> o kɔfɛ a taara ne ye waati jan kɛ (Umaru),o kɔfɛ kira ko:<< i bɛ ɲininkalikɛla n dɔn wa yaa Umaru? >> ne ko "Ala n'a ka kira de b'a dɔn" kira ko<< jibirila de don a nana ka aw kalan aw ka diinɛ la>>

Explanation

umaru bɛ kibaruyali kɛ Ala diɲɛna a ma k'a fɔ mɛlɛkɛ jibirila seera sahabaw ma Ala diɲɛna u bɛɛ ma cɛ dɔ sawura la u si tɛ min dɔn, a mankutu dɔ tun ye k'a fɔ a ka fìni jɛɛya tun ka bon, a kunsigi tun finnen, taama nɔ tɛ dɔn a la ka bɔ sɛngɛ bangeli la, ani gɔngɔn, ani kunsigi ɲagasa ni fìni nɔgɔli, mɔgɔsi t'a dɔn sigibagaw la, olu tun sigilen bɛ kira kɛrɛfɛ kisi b'a ye,a sigira kira ɲɛkɔrɔ dɔnniɲinina sìgicogola, a y'a ɲininka silamɛya la, a y'a jaabi ni nin jɔsen ninnu ye min bɛ tàli kɛ seereya kumakan fila sàbatili la,ani seli waati duuru tàngali, ani jakadili a dibagaw ma, ani sunkalo sunni, ani hiji kɛli n'a se bɛ min ye. Ɲininkali kɛla n ko: i ye tuɲa fɔ, sahabaw kabakoyara a ka ɲininkali la, a bɔlen b'a fɛ a tɛ o min dɔn o kɔfɛ a ka tuɲatigiyali. O kɔfɛ a y'a ɲininka limaniya la, a y'a jaabi ni jɔsen wɔɔrɔ ye min bɛ tàli kɛ Ala bɛbagaya la a n'a mankutuw, k'a kɛ kelen ye a ka baaraw la i n'a fɔ danni na, ani k'a kɛ kelen ye bàtola, ani ko Ala ye mɛlɛkɛ minnu dan ka bɔ nɔɔrɔ la jɔn bonyanenw de do u tɛ Ala sɔsɔ wa u bɛ baara kɛ n'a ka yamaruyakan ye, ani limaniya Ala ka gafe jìgìnenw na a ka cidenw kan min bɔra Ala kɔrɔtalen yɔrɔ, i n'a fɔ kurana ni tawurata ni bibulu o n'a ɲɔgɔnnaw, an'a ka cidenw minnu b'a ka diinɛ la see, nuhu ni iburahima ni Musa ni Isa b'u la u laban ye Kira Mamadu ye kisi b'a ye, a n'u tɔw ka bɔ Nabiɲumanw ni cidenw na,ani limaniya donlaban na, min bɛ kaburu kɔnɔ saya kɔfɛ o b'a la ani duniya ni lahara cɛ ɲɛnamaya, ani k'a fɔ mɔgɔ bɛ kunu sàya kɔfɛ ka fɛsɛfɛsɛ, a dagayɔrɔ bɛ kɛ alijana ye wali tasuma, ani limaniya k'a fɔ Ala ye kow latigɛ ka sanga a ye min dɔn ka kɔrɔ, Alatigɛra a ka kodɔn n'a ka sɛbɛnni kɔnɔ, an'a sàgoya, ani ko bɔli a sira fɛ i n'a fɔ Ala y'a latigɛ cogomin, ani a ye min dan a ye. O kɔfɛ a y'a ɲininka ɲumanya la, a y'a kibaruya k'a fɔ limaniya ye i ka Ala bàto i n'a fɔ i ɲɛ b'a la, n'a ma sɛ ka see o yɔrɔ la Ala kɔrɔtalen bàto i n'a fɔ Ala bɛ k'i lajɛ, fɔlɔ bɛ lajɛli hakɛ de la, o de bɛ sanfɛ, filanan bɛ lakɔlɔsili hakɛ la. O kɔfɛ a y'a ɲininka duniya wili waati la, kira y'a bange nɛɛma ni kisi b'a ye k'a fɔ duniya wili waati ye fɛn ye Ala kelen bɛ min dɔn, danfɛn si tɛ a dɔn, min ɲininkara ani ɲininkali kɛla si t'a dɔn. O kɔfɛ a y'a ɲininka duniya wili taamasiyɛnw la? A y'a bange k'a fɔ jɔnmusow n'u denw cayali b'a la, wali denw ka básɔsɔli ka caya, u b'u báw jɔnya minɛ, ani ko duniya bɛ dayɛlɛn bagangɛnnaw ni fàntaw ye waati laban na, u b'u disiw gosi ni sow jɔli n'a màsirili ye. O kɔfɛ kira ye kibaruyali kɛ k'a fɔ ɲininkali kɛla ye mɛlɛkɛ jibirila de ye, a nana ka sahabaw ladɔnniya ni diinɛ tilennen n na.

Hadeeth benefits

  1. Kira ka jogoɲuman ya kisi b'a ye, a bɛ sìgi a ka sahabaw fɛ u fana bɛ sìgi a fɛ.
  2. Nɔgɔya ka ɲɛsin ɲininkali kɛla ma a ni gɛrɛli a la, a ka sé ka ɲininkali kɛ k'a sɔrɔ a ma kɛ ni yɛrɛminɛ ni siran ye.
  3. Ladabu i ni karamɔgɔ cɛ i n'a fɔ jibirila y'a kɛ cogomin kisi b'a ye, k'a d'a kan a sìgira kira ɲɛfɛ kisi b'a ye mɔgɔ ladabulen sìgìcogo la ka dɔɔni minɛ a la.
  4. Silamɛya jɔsen ye duuru ye, wa limaniya lasulu ye wɔɔrɔ ye.
  5. Ni silamɛya ni limaniya fɔra yɔrɔ kelen, silamɛya bɛ fàsari ni ko bangenenw ye, ka limaniya fàsari ni kɔnɔkow ye.
  6. Bangeli ka fɔ diinɛ hakɛw tɛ kelen ye: hakɛ fɔlɔ ye silamɛya ye, filanan ye: limaniya ye, sabanan ye: ɲumanya ye, o de b'a bɛɛ sanfɛ.
  7. Ɲininkalikɛbaa ka kan ka kɛ dɔnni dɔnbali de ye o de ye lasulu ye, wa kodɔnbaliya o dɛ bɛ mɔgɔ bila ɲininkali la, o de la sahabaw kabara a yɛrɛ ka ɲininkalikɛlen na ka tila k'a tuɲatigiya.
  8. K'a daminɛ nàfamanbá la; k'a d'a kan a daminɛna seereyakanfɔ fila la silamɛya fàsarili la. Ka daminɛni kɛ limaniya la Ala la limaniya fàsarili la.
  9. Dɔnni dunkew ɲininkali fɛn na ɲininkali kɛla yɛrɛ bɛ min dɔn, yaasa a ɲɔgɔnna wɛrɛ k'a dɔn.
  10. Duniya wili waati ye fɛn ye Ala dɔrɔn bɛ min dɔn.